ఏమి చెప్పను!?

ఎడబాటెప్పుడూ వేదనే మిగిల్చిందని అక్కసుతో

వద్దనుకుని వదిలేసి ఒంటరితనాన్ని ప్రశ్నించా..

అది మాత్రం ఏమి మేలుచేసిందని చెప్పుకోను!?

నాపై ఏ పిర్యాదూ లేదని చెప్పు మనస్ఫూర్తిగా

ఎప్పుడైనా నవ్వుతూ నా అవసరం నీకుందను

నా వేదన ఎలా చూపాలో కాస్త వివరించి చెప్పు

నమ్మకుంటే సరే ఇంకిన కన్నీటిని సాక్ష్యమడుగు

హృదిన ఉన్నది నీవని ఎలా నిరూపించేది చెప్పు

మనసున నిన్ను నింపితే ఇంత శిక్షనా చెప్పు!?

నాకు ఈ ఒక్క విషయము చెప్పు నిర్భయంగా

నా శ్వాసలన్నింటా నీవే నీలో నేను ఉన్నానను

నా ప్రతి కథ కదలికా నీవేగా నీరాత నేనని చెప్పు

ఎప్పుడూ నేనే అడగాలా నన్నూ నీవు ఏమైనాడుగు

నమ్మని నేన్నమ్మేలా నన్నేదైనా చేసి చూడని చెప్పు

మనసు ఇవ్వడమే అంత నేరమా నిజం చెప్పు!?