వారిజ వైరి...

మోహపు దారాలు వేళ్ళ మధ్య చిక్కుకునె
ముడి విప్పలేక రోమాలు నిక్కబొడుచుకునె!

నా పిచ్చి ప్రేమ ఎందుకో నిన్ను ఎంచుకునె
చెప్పని మాటలెన్నో చెప్పినట్లు ఊహించుకునె!

నీవు పగలైతే నేను నువ్వెళ్ళితే వచ్చే రాత్రినె
ఇద్దరి ఆశలూ సాయంత్రం కలవాలని కలగనె!

చెప్పే ఊసులు అబద్ధాలైనా నామది నిజమనె
సత్యాన్ని చూద్దామంటే దూరంగా తానుండెనె!

కలువకు సూర్యుడు మిత్రుడైనా దూరముండెనె
వెర్రి వ్యామోహం పుట్టి కువలయము కృంగెనె!

నీటిలోలేని కమలం కమలాప్తుని రశ్మికి వాడెనె
పంకమంటని పద్మ వీచే గాలికి కొట్టుకుపోయెనె!
 

19 comments:

  1. వారిజ అంటే నీరజ...అనగా తామర పువ్వు దానికి వరులు ఎవరు?
    చిత్రము అర్థవంతముతో కూడి విచారంగా ఉంది...అయినా బాగుంది

    ReplyDelete
  2. kamalam sun rays ku vikasinchunu kadandi mari vairam ela iddaru friends ayinappudu.

    ReplyDelete
  3. నిఖార్సైన నిజం ఏమంటే
    బురద గుంటలో వికసించే పువ్వని కమలానికి పేరు
    కాని
    సూర్యుని కాంతికి విచ్చుకుని మురిసేదనేదే నిజం

    నిఖార్సైన నిజం ఏమంటే
    జాబిలి కాంతిలో కల్మషం లేని ధవళముంటుందని ఖ్యాతి
    కాని
    వసివాడని జాబిలి వెన్నెలకు అమవస పున్నములు వేరుకాదనేదే సత్యం

    అలానే

    జీవితాన సుఖదుఃఖాలు భాగాలే
    జీవితాన గిల్లికజ్జాలు సర్వసాధారణమే
    జీవితాన మాయూసి ఖుషి సరిసమానమే
    జీవితాన కలిమి లెమ్ములకు కృంగరాదనేదే

    ~శ్రీ

    ReplyDelete
  4. చిత్రం విచార వదనం.

    ReplyDelete
  5. Padma why so depressed?
    Don't think much..be happy

    ReplyDelete
  6. మోహపు దారాలు వేళ్ళను కట్టివేసే
    మనసు ముందరి కాళ్ళకు బంధం వేసెను కదండి
    మనసుని తాకే వాఖ్యాలు.

    ReplyDelete
  7. వారిజ వైరి = కమలానికి శత్రువు (సూర్యుడు) అమ్మో...అద్భుతం పద్మా నీ ఆలోచనల్లో కమలం నిగారింపు భేషుక్!

    ReplyDelete
  8. కమలాప్తుడు అంటే సుర్యుడు..
    అతనితో వైరం తగదు, కమలానికి సూర్యుడు ఎంత దూరాన్న ఉన్నా తామర విప్పారక మానదు.

    ReplyDelete
  9. పరిపూర్ణమైన గజల్

    ReplyDelete
  10. పగలు రాత్రి ఇద్దరూ అయితే కలిసేది ఎలా?

    ReplyDelete
  11. నీటిలో కమలం.

    ReplyDelete
  12. శ్వేత పద్మానికి మనో నిబ్బరం కలదని విన్నాను
    మరి ఏమాయేనో ఆ ధైర్యం...ఇటువంటి నిరుత్సాహపు కవితలు ఎవరికోసం?

    ReplyDelete
  13. అందరికీ పేరు పేరునా అభివందనములు _/\_

    ReplyDelete
  14. విచార వేదనలకు స్వస్తి పలుకు 2020

    ReplyDelete