అదేకామోసు!

అలోచనలు ఎందుకిలా నన్ను వెంటాడుతుంటాయో?
అవి అక్షర రూపాలై అందరినీ అలరించమనికామోసు.

భావాలు నాతో ఎందుకు అనుబంధం పెంచుకున్నాయో?
కష్ట సుఖాలని పంచుకునే బంధాల అన్వేషణిదికామోసు.

చిత్రాలు రంగులకుంచెతో చేతుల్నెందుకు వణికిస్తున్నాయో?
విచిత్రజీవితాన్ని రంగులతో అందంగా మలచమనికామోసు.

కొందరి మాటలు మనసుని ఎందుకు గాయపరుస్తున్నాయో?
గాయపువేదన తెలిసి వేరొకరిని భాధించరాదనికామోసు.

గెలుపోటముల చెలిమికై నవ్వులేల ప్రాకులాడుతున్నాయో?
జయాపజయాల్ని నవ్వుతోనే రాణించగలమనికామోసు.

సమస్యలతో సరదాలు సంప్రదింపులేల జరుపుతున్నాయో?
అన్నీమరచి హాయిగా గడపడమే అధికమించేశక్తికామోసు.

ఇలా మీతో పంచుకోనినాడు నాలో ఆకలి దప్పికలు ఏమైపోతున్నాయో???
ఈ-బంధం ఏర్పడ్డ ఇన్నాళ్ళకిదేం ప్రశ్నంటూ మీ ఛీవాట్లు తినమనికామోసు:-)

30 comments:

  1. ఆలోచనలే అంతర్ లోచనాల రెప్పలిప్పేవి
    అందుకే అక్షర రూపాలై కళ్ళకు కడతాయి.

    భావాలే అనుభవాల వాకిలి లో రంగవల్లులు.
    బంధాల అందాలను ఆవిష్కరించేహరివిల్లులు

    చిత్రాలు ఆలోచనానుభవభావాల లోగిళ్ళు
    చీకటివెలుగుల జీవితాన్ని వెలిగించే నెగళ్ళు

    మాటలు మనసుని గాయపరిస్తే..
    సున్నితత్వపు విలువను గుర్తుచేయడానికే

    నవ్వులు గెలుపోటములతో దోబూచులాడితే..
    ఫలితమేదైనా విచలితమవ్వరాదని

    సమస్యల ముళ్ళమధ్య పరిష్కారపు పువ్వుల్ని
    సరదాగ ఆందుకుని హాయిగ నవ్వమని కాబోలు..

    పద్మార్పిత చేత దివ్వెని చూపిస్తుంది వేలు..
    పెంజీకటిని చీల్చే వెలుగునవ్వమని కామోసు

    ఆకలిదప్పుల తిప్పలను మరిపించే ఊసు.

    ReplyDelete
    Replies
    1. సతీష్ గారు....నా రాత కన్నా మీ కమెంట్ కవిత అమోఘం.
      అంతబాగా రాయలేకపోయినా మీ అభిప్రాయం అందంగా అమిరింది.
      థ్యాంక్సండి.

      Delete
    2. హమ్మమ్మా. వేలు నాపై చూపిస్తారనుకున్నా. :)
      మీ టపా సిగలో నా టీక (కామెంట్) ఓ ఈక. :)

      Delete
  2. అన్నీ నిజాలే కదా????మరి కామోసు ఎందుకు?:)

    ReplyDelete
    Replies
    1. ఏమో!! నేను రాసినదానిపై నాకే కాంఫిడెన్స్ లేకకామోసు:-)

      Delete
  3. కొందరి మాటలు మనసుని ఎందుకు గాయపరుస్తున్నాయో?
    గాయపువేదన తెలిసి వేరొకరిని భాధించరాదనికామోసు.
    ఇవి నాకు చాలా నచ్చాయండి.

    ReplyDelete
    Replies
    1. నచ్చినందుకు నెనర్లు.

      Delete
  4. very very nice padmarpita garu :-)

    ReplyDelete
  5. నాకు నచ్చింది .

    ReplyDelete
    Replies
    1. నచ్చినందుకు థ్యాంక్యూ.

      Delete
  6. మీ ఆలోచనల ,మీ భావాల ,మీ చిత్రాలలోని సృజనాత్మకత అందరికి తెలిస్తేనే కదండీ వాటికి అందం.

    ReplyDelete
    Replies
    1. అవుననుకోండి! కానీ ఇలా అప్పుడప్పుడూ సందేహనివుర్తండి:-)
      మీ అభిప్రాయన్ని తెలిపినందుకు నెనర్లండి.

      Delete
  7. To be honest, I liked Satish's views more. ;).
    [.......running away to hide somewhere faster! ]

    ReplyDelete
    Replies
    1. To be frank......same feeling!
      I appreciate your honest comment!
      Thank you my friend:-)

      Delete
    2. @ chaatakaM:

      నాది అనుకరణే..చాతకం గారూ.. కామోసు నుండి పుట్టిన కామెంట్ మాతృక కన్నాముచ్చట కలిగిస్తే అది పద్మార్పిత భావ పరిమళమే..
      @padmaarpita:
      బేలతనం ఛాయల్లో కామోసు కరిగించినా..
      అమ్మా!.. నీకన్నీ నా బుద్దులే అని బిడ్డ అంటున్నట్టు.. అతిశయాన్ని వొలికించి ఆరిందాలా చెప్పిన మాటలు ఆత్మీయత లో పొంగుకొచ్చినవి. నా బ్లాగు విడిచి సాము చేసానని భావించక ఆటలో అరటిపండు లా అపేక్షించండి. మీ బ్లాగులో నా భావాలకు ఆలంబన మీరే.. మీ బొమ్మలూ-భావాలూ.
      నీవు నేర్పిన విద్యయే .. నీరజాక్షీ అని పాడాలని ఉంది. అల్లరి ఎక్కువవుతుందని.. ఆగిపోయా
      మీ ప్రోత్సాహం తోనే.. వెలుగులోకి వస్తున్నా పద్మార్పిత గారూ! మీ మితృలే నా బ్లాగు లోకి చూసేదీ. . మరి కృతజ్నతలు ఎలా చెప్పాలీ!

      నా కున్న అక్షరాలతో నే అక్షతలు చల్లాననుకోండి. మీరు చల్లినా సరే..!! :(

      मैं पल दो पल का शायर हूँ .. पल दो पल मेरी कहानी है
      पद्मार्पिता तो यही पर रहती है.. उनके दिवानेतो हज़ारें है..

      :)





      Delete
  8. పద్మార్పితగారు...నిజానికి ఈ కవితలో ఏదో అసంపూర్తి గోచరిస్తుందండి.

    ReplyDelete
  9. ఈ అసంపూర్తినే ఆసరాచేసుకుని మిమ్మల్నందరినీ అలరించే అందమైన రాతలు రాయ ప్రయత్నిస్తానండి!

    ReplyDelete
  10. "చిత్రాలు రంగులకుంచెతో చేతుల్నెందుకు వణికిస్తున్నాయో?
    విచిత్రజీవితాన్ని రంగులతో అందంగా మలచమనికామోసు." మీ ఆత్మపరిశోధన అక్షరరూపం దాల్చి మా అందరినీ అలరించింది..భావాలకి రంగులేసి గాలిపటాలుచేసి ఆ దారం మాచేతికిచ్చారు...బావుందండీ

    ReplyDelete
    Replies
    1. చాన్నాళ్ళకి విచ్చేసి ఇలా పొగిడేస్తుంటే ఆనందంగా ఉందండి. థ్యాంక్యూ వాసుదేవ్ గారు.

      Delete
  11. కామోసు, భలేగా వుందండి ఈ పదం.
    ఆలోచనలన్ని అక్షరాలైతే,
    భావాలన్నీ బంధాలైతే,
    చిత్రాలే జీవితమైతే,
    గాయలే గమనపు గీతాలైతే,
    ఈ-బంధానికి ఇంతకంటే రాయలేనేమో కామోసు...హి...
    ఊహు, ఇంకా బాగా రాయాలండి మీరు..హ,హ...
    (ఈ-బంధం ఏర్పడ్డ ఇన్నాళ్ళకిదేం కామెంటని మీ ఛీవాట్లు తినమనికామోసు:-))

    ReplyDelete
    Replies
    1. కదా...కామోసు అనే పదం నాకు భలేనచ్చింది.
      భాస్కర్ గారూ... మంచి కవితతో కమెంట్ కొట్టిన
      ఈ-బంధానికి చీవాట్లేంటి!!! క్లాప్స్ కొడుతున్నాను:-)

      Delete
  12. అక్షరాలలో ఆర్తిని రగిలించి ఆవేదనను పలికించి అంతే సమపాళ్ళలో ఆనందాన్ని, ఆర్థ్రతను, వర్ణాన్ని అద్దే మీ కలం కుంచే దేనికవే సాటి పద్మార్పిత గారూ...మీకెందుకు ఈ కామోసు భావం....
    ఏ భావాన్నైనా మీరు పలికించగలరని ఇలా నిరూపించడానికైతే ఓకే...:))
    అభినందనలతో...

    ReplyDelete
    Replies
    1. వర్మగారు...అలా అతిగా పొగిడి అందలమెక్కిస్తున్నారేమో.
      అక్షరాలతో మీలా ఆడుకోవడం నాకు రాదుకామోసు:-)

      Delete
  13. "కొందరి మాటలు మనసుని ఎందుకు గాయపరుస్తున్నాయో?
    గాయపువేదన తెలిసి వేరొకరిని భాధించరాదనికామోసు"

    ఎంతటి పాజిటివ్ థింకింగ్ 'చిన్నా'? కళ్ళలో నీళ్ళు తొణికిసలాడాయి.అందరూ ఈ నిజం తెలుసుకుంటే బాగుండు కదా. ఎవరో ఏదో అన్నారని, మనసును గాయం చేసుకుని మరలి రాని లోకాలకు వెళుతున్నారెందరో..

    ReplyDelete
  14. మీ అభిమానపు స్పందనకు నెనర్లండి!

    ReplyDelete