నీ ఊహల్లో...

నీలాగే నేనున్నాను, వేరే తలపులతో నీకేం దూరంకాను...
ఊసుపోక నీవు తలిస్తే, నీ ఊహల్లో వేరే ఊసెత్తకున్నాను!

నీ ఎడబాటులో కన్నీటిని ఆశ్రయం కోరాను
గతినేనని నవ్విన కన్నీటికేం బదులీయను!

నీ శ్వాసలో, తనువులోని అణువణువులో నేనే ఉన్నాను...
అయినా నుదుటిరాతలో లేని నీకై అత్యాశ పడుతున్నాను!

రేయంతా నీతో ఊసుల్లెన్నో నేను చెప్పాను
ఈ ఊహలతోనే నేను తన్మయం చెందాను!

వేయి భాధాకెరటాల తాకిడికైనా నేను ముక్కలుకాను...
నీకు దూరమైనానన్న నిజాన్ని అబధ్ధంగా ఎలామార్చను!

నాలో ఉన్న నిన్ను బయట వెతుకుతున్నాను
అలసిన నేను నీ ఊహల్లో సేదతీరుతున్నాను!

నా లోకమే నీవైనా మనసుని పంజరంలో బంధించాను...
కోరికల గుర్రాలకే రెక్కలు వస్తే నేను కళ్ళెంవేసి ఆపలేను!