వలపువాద్యము...

రాగం తాళంలేని హృదయగానంలో ఎన్నో సవ్వడులు
ఊసుల్లో మరువలేని మరెన్నో మధుర ఝంకారాలు
మూగబోయిన మనసులో జ్ఞాపకాల సితార్ వాదం..
మురిసిన మదిలో వినిపిస్తుంది వలపుల వీణానాదం..
ఇరుగుండెల సంభాషణలో సన్నని సారంగి తరంగాలు
ప్రేమించినజంటల గుసగుసలు జలతరంగపు కీర్తనలు
వలపులు విడితే వచ్చేది వయోలిన్ పై విరహగేయం..
విషాదమైన ప్రేమ మ్రోగించును శృతిలేని మృదంగం..
పిలుపు విని పరవశమొందే పిల్లనగ్రోవుల వేణుగానాలు
గుండెలు గొంతుకలిపి ఆలాపించెను గిటార్ పై గేయాలు
తలపులలో తనువుమరచిన వినపడదే తంబూర శబ్ధం..
మది హాయిలో ఆలపించును హార్మోనీ పై యుగళగీతం..
సరస సయ్యాటల్లో వినపడని తీయని సన్నాయి గీతాలు
కలసిన హృదయాంతరంగంలో కమ్మని కళ్యాణి రాగాలు..