వెళ్ళొస్తానని..

నీ పరిచయం నూతనోధ్యాయానికి నాంది పలుకుతూ
నువ్వు ఎదురుపడ్డ ప్రతీసారి గుండె వేగం పెంచుకుంది!

నీవు నాయందే దాగి ఉన్నావన్న నిజాన్ని గుర్తుచేస్తూ
నా గతం తాలూకు గుర్తుల్ని నీ ప్రేమ చెరిపివేయమంది!

నాలో తప్ప నాతో లేవని అలిగినమదిని బ్రతిమిలాడుతూ
నిన్ను నీవే గాయం చేసుకోకు నన్ను తిరస్కరించి అంది!

నీ ఊపిరి నా ఊపిరితో రమించి కమ్మనికలకి రూపమిస్తూ
నా బిడియాన్ని బిగికౌగిట బంధించి కొత్తలోకం చూపింది!

నీవు వెళ్ళొస్తానని వీడ్కోలు చెప్ప నిలువడ్డంగా తలూపుతూ
ఆనందాలని మూటకట్టి కంటనీరుని రెప్పమాటున దాచింది!

నీ పై నాకు ఇంకిపోదు ప్రేమ ఇసుమంతైనానని బాసచేస్తూ
నీవన్న మాటలకి...కరిపోదులే ఆశ నీ పై కాస్తంతైనా అంది!

37 comments:

  1. మీ దారిలో మీరు :)

    ReplyDelete
  2. ఏమని వ్యాఖ్యానించగలను నేను..!
    నా కనులు చెమ్మగిల్లి చెంపను తాకితే..!!

    ఏమని వ్యాఖ్యానించగలను నేను..!
    నా మదిలో భావాలన్ని అక్షరాలై ఉరకలేస్తే..!!

    ఏమని వ్యాఖ్యానించగలను నేను..!
    నా కనులకెదుట జ్ఞాపకాలన్ని కదలాడితే..!!

    ఏమని వ్యాఖ్యానించగలను నేను..!
    నా మనసే మాటరాకా మౌనాన్ని ఆశ్రయిస్తే..!!

    ~శ్రీ~

    మీ ఈ కవితకు సరితూగేలా నే రాసిన అక్షర విన్యాసమిది పద్మ గారు.. కవితను తిలకించినపుడు నాకు మళ్ళి మళ్ళి ఇది రాని రోజు సినిమా లో (శర్వానంద్ నిత్య మేనన్) గతమా గతమా పాట గుర్తుకు వచ్చింది..!

    ReplyDelete
    Replies
    1. కమెంట్ వ్రాయనేల
      ఆ పై డెలిట్ చేయనేల
      అందునా మేము చదవకనే
      మీరు ఇటుల చేయనేల???? :-)

      Delete
    2. మొదటి కమెంట్ లో ఒక్క లైన్ వ్రాసాను
      మరో మారు కమెంట్ లో ఒక్క స్టాంజా వ్రాసాను
      అనక వ్రాసిన కమెంట్ లో మొత్తం వ్రాసానని తెలియపరుస్తున్నాను ఆకాంక్ష గారు..

      ఈ రోజు నాకు స్పెషల్ డే
      భువి పై ఊపిరి పోసుకున్న డే
      ఈ రోజే వర్ల్డ్ కు హెల్త్ డే
      మరి నాకది నా బర్త్ డే

      :-)

      Delete
    3. బుక్య శ్రీధరు మిత్రమా ! మొదట మీకు
      జన్మదిన శుభాకాంక్షలు , శత శతముల
      ఆయురారోగ్య భాగ్య సౌఖ్యాల దేల్చి
      శ్రీరమణుడు కాచి మిము రక్షించు గాత !

      Delete
    4. రాజారావు సర్..
      మీబోటి మహామహుల ఆశిస్సులు సదా సర్వద శిరోధార్యం ఆచార్యవర్య.. ధన్యోస్మీ.. పెద్దవారి ఆశిస్సులు అందుకునందుకు కడు ఆనందంగా ఉంది..

      జై శ్రీమన్నారాయణ

      Delete
    5. శ్రీధర్ గారు మీకు జన్మదిన శుభాకాంక్షలు.

      Delete
    6. పద్మగారు.. థ్యాంక్యు.. వెరి మచ్ ఆబ్లైజ్డ్ టూ రిసీవ్ ఆల్ యువర్ విషెస్ యాండ్ బ్లెసింగ్స్ ఆన్ మై బర్త్ డే.. శ్రీ దుర్ముఖి నామ ఉగాది నూతన వత్సర శుభాకాంక్షలు మీకు మీ ఇంటిల్లిపాదికి..

      Delete
  3. ప్రేమ భావం పెల్లుబికిన వేళ ఇలాంటి కవితలు పుట్టుకొస్తాయి

    ReplyDelete
  4. తనువు పులకరించింది

    ReplyDelete
  5. నీ పై నాకు ఇంకిపోదు ప్రేమ ఇసుమంతైనానని బాసచేస్తూ
    నీవన్న మాటలకి...కరిపోదులే ఆశ నీ పై కాస్తంతైనా
    బిగిసిన భావం
    చిత్రం భిన్నంగా బాగుంది

    ReplyDelete
  6. రెండేసి లైన్లలో చిక్కటి ప్రేమభావాన్ని పండించడం మీకే సాధ్యం. అభినందనలు.

    ReplyDelete
  7. excellent art and lovely lines padma

    ReplyDelete
  8. చిక్కనైన చక్కని భావాలు మీ సొంతం.

    ReplyDelete
  9. మీరు వ్రాసే కవితల్లో అందమైన ఎన్నో సున్నిత పదాలు దొర్లుతుంటాయి. తెలుగు లిటరేచరా మీది?

    ReplyDelete
  10. నువ్వు నేను శరీరాలు వేరైనా ఒకటే అన్న భావాన్ని తెలిపే కవితాచిత్రం బాగుంది.
    ప్రేమ మీ పుట్టిల్లు అనుకుంటాను :-)

    ReplyDelete
  11. పదాల బిగువు బాగుంది

    ReplyDelete
  12. చాలాబాగుంది.

    ReplyDelete
  13. వెళ్ళొస్తానని చెబితేనే కదా తంటా
    చెప్పకుండా అయితే పర్వాలేదు:-)

    ReplyDelete
  14. వెళ్ళొస్తానని ప్రియుడన
    కళ్ళల్లో యుబుకు నీళ్ళు కనురెప్పలలో
    చెల్లును గ్రుక్కగ నీకే
    కల్లోలము దాచుటెంత కష్టమె? లలనా !

    ReplyDelete
  15. అయ్యో ఎంత కష్టమొచ్చింది.:)

    ReplyDelete
  16. నాలో తప్ప నాతో లేవని అలిగినమది.

    ReplyDelete
  17. పద్మగారు మీరు వ్రాసిన కవితకు టూకిగా..
    Your Poem Says this Summarily Padma Gaaru..

    మరిచాననుకోవటం నీ భ్రమ
    తలవక ఉండటం నా తరమా..!

    ReplyDelete
    Replies

    1. యింక కొద్దిగా టూకీ చేసా నండీ :)

      మరిచాననుకోవటం నీ భ్రమ !
      తలవ ఉండటం నా ఖర్మ :)

      జిలేబి

      Delete
    2. జిల్ జిల్ జిగా.. జీలేబియం వారులకు.. ●జిలేబి వదన● కొఱకు..


      తడవ తడవ తలపుల తట్టఁగా..!
      కడవలో నీరు దెచ్చి బొర్లించఁగా..!!
      కడు పలవరింతలలో తడవఁగా..!!!
      మరిచే దేటుల జ్ఞాపకాలై నిలువఁగా..!!!!

      ~శ్రీ~
      గరుడగమన శ్రీరమణ

      శ్రీధర్ భూక్య

      Delete
  18. నాలో తప్ప నాతో లేవని అలిగినమదిని బ్రతిమిలాడుతూ
    నిన్ను నీవే గాయం చేసుకోకు నన్ను తిరస్కరించి .....excellent heart touching words padma gaaru........hats-off to you

    ReplyDelete
  19. చెప్పి పోయిండు లేకుంటే లబో దిబో హా హా హీ హీ...

    ReplyDelete
  20. ఈ ప్రేమ ఎన్ని తూటాలు పేల్చినా తూట్లు పడుతుంది తప్ప తరగదు :)

    ReplyDelete
  21. నువ్వొస్తానంటే నేనొద్దంటానా
    వెళ్ళొస్తానంటే ఒప్పుకుంటానా
    నీదానెనన్నదిరా నిన్నే కోరిన చిన్నదిరా
    మనసు ఇచ్చిపుచ్చుకోవడం మాటకాదురా

    ReplyDelete
    Replies
    1. కడలి కెరటం
      కరిగే మేఘం
      వేచిన నయనం
      మూడు సరిసమానం :-)

      Delete
    2. పద్మార్పిత గారికి మరెయు బ్లాగ్ మిత్రులందరికి శ్రీ దుర్ముఖినామ తెలుగు సంవత్సరాది ఉగాది శుభాభినందనలు..

      Delete
  22. చెరుకుగాడలోని తీయదనమంత.. మామిడికాయలోని వగరునంత.. వేప పువ్వులలోని చేదునంత.. చింతపండులోని పులుపునంత..చిటికేడు ఉప్పు కాస్తంత కారం దట్టించి కాసిన్ని కాచిన నీటిలో కలగల్పితే ఆయురారోగ్యాలు సిరిసంపదలు సద్భావన సంతోషాలనే ఆరు గుణాల అభివృద్ధిని కాంక్షిస్తు నూతన వత్సరానికి శుభాగమనం మరో ఇరువది నిమిషాలలో

    ReplyDelete
  23. అందరికీ వందనములు _/\_

    ReplyDelete