నాతో నీవు

ప్రేమంటూ నిన్ను మోసగించినా
నీ నమ్మకాన్ని వమ్ముచేసినా..
కలవరపడి కుమిలిపోకు నీవు!
నిన్ను గులాబీలతో పోల్చుకో..
తనని త్రుంచినవారిని వేరొకరితో
ప్రేమగా కలుపుతుంది తెలుసుకో!

మనసు నుండి తొలగించాలనుకుంటే
ముందుగా మనసులో ముద్రించుకో..
తప్పులనెంచి నిందించాలనుకుంటే
ముందుగా నీ తప్పుని నీవు సరిచేసుకో!
ప్రాణమెందుకు తీస్తావు నాచేయి విడచి
జీవితాన్ని చూపించు నీచేయి నాకందించి!