ప్రేమెక్కడో!!!

మెదడుదారి మళ్ళించి ప్రేమించరాదనుకున్నా
చూపుద్వారం ద్వారా మనసుని చేరింది ప్రేమ
మనసుబాటగా పయనించి మెదడుమాట విన్నా
భావోధ్వేగాల నడుమ కొట్టుమిట్టాడుతుంది ప్రేమ
ప్రేమ మత్తులో మునిగి తేలుతూ తెలుసుకున్నా
ఈ వ్యసనానికి నేను కూడా బానిసనైనానే ప్రేమ
ఇంత కఠినత్వమెందుకో దీనికి తెలుసుకోలేకున్నా
ప్రేమికుల వేదనతో అభిషేకించినా కటాక్షించని ప్రేమ
నన్నునేను ధ్వేషించుకుంటూ దూరమవ్వాలనుకున్నా
నాలోని ద్వేషాన్ని తొలగించే శక్తి కూడా నీకున్నదే ప్రేమ
ఇలా మనిషిలో మారుతున్న మనస్తత్వాన్ని చూస్తున్నా
ఇంక లోకమంతా నీ మయమేనని ఏమనుకోను ప్రేమ!