ఆలోచించండి!

నమస్కారాన్ని "హాయ్" "హెల్లో" కబళించిందని
సంస్కారాన్ని "షేక్ హ్యాండ్" ఇచ్చి విధిలించకండి!

అమ్మానాన్నల్ని "మమ్మీ" "డాడి" దొంగిలించారని
ఆత్మీయత అనురాగాలని దూరం కానీయకండి!

గురుకులాల్ని "మిషనరీ స్కూల్స్" మింగేసాయని
గురువులని అగౌరవపరిచే బుద్ధిహీనులు కాకండి!

కల్లు "బీర్, బ్రాందీ, విస్కీ, జిన్" ల కన్నా మంచిదని
మత్తులో మునిగి చిత్తుగా మందుకొట్టి చిల్లరకాకండి!

మాటామంచిని "టీ.వీ, టెక్నాలజీలు" కబ్జాచేసాయని
అనుబంధాలని వీడి ఒంటరితనానికి బానిసలవకండి!

అన్నాన్ని అట్టును "నూడిల్స్, బర్గర్" లు మెక్కాయని
ఆరోగ్యకరమైన అహారాన్ని వదలి వాటికలవాటవకండి!

పాలవంటి పరంపరలు "కల్చర్-ఫ్యాషన్" లకి లొంగాయని
మానవత్వాన్ని మరచి మీ అస్తిత్వానికి మీరే మరువకండి!

పద్మార్పితా! "వాట్ ఈజ్ దిస్ లెసన్ " అని నన్ను ప్రశ్నించినా
ఇందులోని మర్మాన్ని గ్రహించి ఆలోచించి నన్ను తిట్టుకోండి!