నమ్మేదెలా?

ఉచ్ఛ్వాస నేనుగా మారిపోతానంది నిచ్ఛ్వాస నీవైతే

ఒక నయనం వర్షించే మరోనయనం నిన్ను మరువమంటే

ఒక అధరం మౌనంకోరే మరోఅధరం నీపలుకు కోరితే

ఒక కర్ణం నీ ఉసులే వింటుంది వేరొకటి పేరైనా తలవకుంటే

ఒక మదిభాగం కౌగిలినికోరె మరోభాగం ఎడబాటడిగితే

ఒకవైపు ఉదరం దప్పికేలేదంది మరోవైపు ఆకలి అరుస్తుంటే

ఒక పాదం నీవైపు పయనం వేరొకటి వేరుగా అడుగేస్తే!

ఊహకందని ఈ చీలికలెందుకని నన్ను నేను ప్రశ్నించుకుంటే

రెండు నయనాలు చూసుకోలేమన్నాయి నువ్వునేనులా

రెండు పెదవులుకలిస్తే పలుకెక్కడిది మౌనం రాజ్యమేలుతుంటే

రెండు కర్ణాలకి ఊసులెక్కడివి మోముండగా ఎడబాటులా

రెండైన హృదయాలకి ప్రయోజమేమి విడివడిగా పెనవేసుకుంటే

రెండు కాని ఉదరపు ఆకలితీరినా ప్రేమతృష్ణ తీరునా ఇలా

రెండు పాదాలు కలిసి అడుగేయనిదే పయనం సాగుతుందంటే!

నీలోని నన్ను నే నమ్మేదెలా? నీవులేని నాతో చెప్పేదెలా?