తిట్ల కాపురం!

దొంగసచ్చినోడా.....నీకు ఇదేం పోయేకాలం!
తిట్టమనే తింగరోడా.....నీకిదేం మాయరోగం?
కోపంతో కాని కాపురానికి కళ్ళెం వేయబోతే
కసిరి, కొట్టి, గిచ్చి, రక్కి కొరికేయమంటావు!

చుప్పనాతోడా.....నీకు పూయాలి కొరివికారం!
కొవ్వెక్కినోడా.....నీదంతా తలతిక్క యవ్వారం
జాబిల్లివేళ జాజిమల్లెచెండు అడిగి అలిగానని
మండుటెండలో మంచమేసి కుమ్మమంటావు!

వెర్రిబాగులోడా.....నీకు ఎక్కింది ఎనలేని పైత్యం!
పోకిరోడా....నీవు నేనెన్నడు చూడని వింతచోద్యం
పట్టెమంచం పానుపేసి సరసానికి పండ్లు తెమ్మంటే
పళ్ళికిలిస్తూ పగటిపూట పనసపండ్లు పట్టుకొస్తావు!

గూట్లేగాడా.....నీకు అవసరమా ఈ విచిత్ర శోభనం?
పొగరుబోతోడా....నీలో ఉన్నది కేవలం కండకావరం
తొలిరేయి మురిపాలని వెండి పాలగ్లాసు చేతికందిస్తే
బంగారు బిందెడు బలమైన బాదాంపిస్తా పాలడిగేవు!