అరచేతి గీతలుచూసి అఖండ సౌభాగ్యమని
అర్థంకాక అలికిన గీతల్ని అహా ఓహో అని
హస్తరేఖలతో జీవితాన్ని ఏం అంచనా వేస్తావు
చేతుల్లేక జీవిచడంలేదాంటే వెర్రిముఖం వేసేవు
గజిబిజిగీతలకేం ఎరుక గాడితప్పిన గమ్యాలు!!
నుదుటిపై గీతల్లో భవిష్యత్తు అంతా భవ్యమని
ఆకతాయిగా తిరిగి అదే అందిన ఆనందం అని
కష్టాల్లో కలిసిరాదని నుదుటిరాతనే నింధించేవు
ప్రయత్నం ఏం చేయకనే ఫలితాలని ఆశించేవు
సరళరేఖలకేం తెలుసని సహజీవన విధానాలు!!
నేలపై నిలువు అడ్డంగా గీతలేగీసి సరిహద్దులని
స్వార్ధసంస్కరణల చిందులనే విజయమనుకుని
విరిగిన మనసులకు మాటల లేపనమే పూసేవు
అద్దమంటి మదిని గీతకనబడకుండా అతకలేవు
గాట్లుచేసే గీతలకేం ఎరుక గాయాల సలపరాలు!!
పట్టింపు పగలతో శరీరంపై గాటుగీతలేసి శిక్షలని
రక్తం స్రవిస్తుంటే రంగొకటే అయినా మనం వేరని
ఆవేశంతో ఆలోచించకనే తృటిలో పరిష్కరించేవు
ఎన్నటికీ ఊపిరాగిపోని గీతలేవీ నీవు గీయలేవు
బంధాల మధ్య గీతలకి లేవు సంబంధ విలువలు!!
అనురాగాల తులాభారమేసి ఆపలేవు అడ్డుగోడని
పైకంతో వారధి కట్టి కాంచలేవు మమతల కోవెలని
అనుబంధమే తెగితే ముళ్ళు లేకుండా అతకలేవు
అంతరంగపు అడ్డుగోడలతో అందరిలో ఒంటరి నీవు
పద్మార్పిత అంటే ఏంటో చెప్పడానికి మీ ఈ కవిత ఒక్కటి చాలు.. ఇట్స్ అ పవర్ పాకెడ్ పోయెట్రీ...
ReplyDeleteగీతలేం తెలియజేస్తాయో తెలియదు కానీ..మీ రాతలే ఉపదేశాల్లా అనిపిస్తాయి.
గజిబిజిగా ఒక్క పదమైనా రాయరు కానీ.. జిలిబిలి పలుకులతో గమ్యం గురించి చెప్తారు.
సరళరేఖల గురించి తెలియదు కానీ.. అక్షరాలకు సరళత్వం పులిమి సందేశమిస్తారు.
గాట్లు చేసే గీతల్లో మర్మం అస్సలు తెలియదు కానీ.. కుంచెపట్టి గీతలకి ఊపిరిపోస్తారు.
బంధాల మధ్య గీతలేమో కానీ.. నెర్రలేని అభిమాన వారధిని మాత్రం సంపాదించుకున్నారు.
హ్యాట్సాఫ్ మేడం. !!
I too support.
Deleteఈ అభిమానం ఇలా ఎప్పుడూ ఉండాలని కోరుకుంటున్నాను_/\_
DeleteYohanth thanks for supporting
Deleteపద్మా మీ పదాల పద్మవ్యూహం అనితరసాధ్యం. అందులో చిక్కుకోవడమే తెలిసింది కాని బయటకి రాలేం :-) చాలా చాలా పరిణితి చెందిన కవిత. అభినందన మాలార్పితం
ReplyDeleteపద్మవ్యూహంలో భందించే చాతుర్యమెరుగని కోమలిని, మరీ బంధించాను అన్న అభాంఢనేల నాపై :-)
DeleteThis is one of your best padma.
ReplyDeleteThank you. this is the first direct compliment i got from you sir.
Deleteఅమ్మో మీరిలా అక్షరాల అమ్మోరు పూనినట్లు రాస్తే నేను రాసే అల్లరి సమాధానాలకి కోపం వచ్చి శపిస్తారని భయం వేస్తుందండి.
ReplyDeleteఆకాంక్షని భయపెట్టే ధైర్యమా నాకు....హన్నన్నా...ఎంతమాటెంతమాట :-)
DeleteVery tough job mam. U made it simple
ReplyDeleteWelcome to my blog.
DeleteThank you very much
hats of madam miku sati evaru leru
ReplyDeletethank you padma
Deleteపద్మార్పిత పదములే చాలు జీవితాన్ని చదవనవసరంలేదు. నిజమేనండోయ్ మీరు పెద్దమనిషైపోయారు తప్పుగా అనుకోకండి గ్రేట్ పర్సన్ అన్నమాట మీ పదాలకి గులామునై సలాము చేస్తున్న.
ReplyDeleteపెద్దమనిషైపోయాను అంటూ హిమక్రీములన్నీ మీరే తినేయకండి.:-)
Deleteచిరునవ్వులు చిందించే మోము నేడు మూగాబోయిందేలనో
ReplyDeleteఉరుకులు పరుగులేస్తూ కెరటాన్ని తలపిస్తూ ఉండే జలజ
చేతిరాతలకేం నుదుటి రాతలకేం మన మనసు సరళ రేఖ లా ఆలోచిస్తే
ఎన్ని వంకర గీతలున్న అసలు రాతలే లేకపోయినా స్వయంకృషితో వెలిగిపోతారు
కృషితో నాస్తి దుర్భిక్షం. మనలో సత్తాను నమ్ముకోవాలే కాని
చిలకపలుకులు భూతద్దాలు తీరిపోయిన గతాలు తెలియని భవిష్యత్తుకై ఎందుకీ పాట్లు
చిత్రం చక్కగా వచ్చింది. మీరు అటాచ్ చేసే చిత్రం మీ కవితకు జీవం పోస్తుంది. భళా పద్మగారు భళా.
ఏదో కాసేపు అలా మూగగా నటిస్తానే కానీ నేనెప్పుడు ఉండగలను అలా చెప్పండి....ఉరకలేస్తూ, నవ్వేస్తూ, బర బరా బరికేస్తూనే ఉంటాను గీతల్ని. మీరు చదివినా చదవకపోయినా :-) చిత్రాలని కాస్త కుదురుగా వేసే ప్రయత్నం చేస్తాను అవి నాకు ప్రాణం కదా!
Deleteపద్మార్పిత గారూ !
ReplyDeleteమీ ' గీతలు - రాతలు ' కవిత చదివాక కామెంట్ కై
కలం తీస్తే ఇంత గొప్ప కవితకు ఏం రాయాలో తెలియని
భయంతో కలం ముందుకు సాగలేదు,
నమ్మగలరా .. ఇది వాస్థవం .
అందు చేతే ఆలస్యంగా రాస్తున్నా .
ఈ మధ్య మీ కలం నుండి జాలువారిన మంచి కవితల్లో,
మీ ' గీతలు - రాతలు ' అగ్రస్థానాన్ని ఆపాదించుకుంది .
బాషకు - భావనలకూ అవధులు లేవని మీ కవిత
అడుగడుగునా రుజువుచేసింది.
ఆ రెండూ పోటీ పడి మమ్ము ఆలోచనల వడిలోకి లాక్కెళ్ళి
జీవితంలోని నగ్న సత్యాలను అవగాహన చేసుకోమన్నాయ్ !
కవిత సాంతం చదివాక చుట్టూ వాతావరణం గాంభిర్యాన్ని
నింపుకుంది. పటుత్వమైన భాషా పరిజ్ఞానాన్ని రంగరించి
భావగర్భితమైన కవితనందించి మరింత భాద్యతను పెంచుకున్నారు .
మున్ముందు మీరందించే కవితలు ఇంకెంతటి స్థాయిని పుంజుకుంటాయో మరి.
మీ ఈ కవిత సాహిత్యలోకాన్ని అలరిస్తుందని,
అందరి మన్ననలను అందుకుంటుందని చెప్పడంలో....
అతిశయోక్తి ఎంత మాత్రమూ లేదంటే ... లేదు .
శభాష్ పద్మార్పితా.
అభినందనలతో
*శ్రీపాద
శ్రీపాదగారు నిజంచెప్పాలంటే ఇంచుమించు మధ్యాహ్నం నుండి నాదీ అదే పరిస్థితి. ఏం వ్రాయాలో అర్థంకాక రెండు టీలు తాగి లాభం లేదని మిన్నకున్నా....
Delete"పటుత్వమైన భాషా పరిజ్ఞానాన్ని రంగరించి
భావగర్భితమైన కవితనందించి మరింత భాద్యతను పెంచుకున్నారు .
మున్ముందు మీరందించే కవితలు ఇంకెంతటి స్థాయిని పుంజుకుంటాయో మరి"
మీరు ఇలా అంటే అభిమానిగా అనందంతో పాటు కంగారు కూడా కలిగింది. ఎందుకంటారా! అర్పితకేం ఆడుతూ పాడుతూ వ్రాస్తుంది భావ గంభీర శైలిలో, కానీ.....మనసు మెదడు రిలాక్స్ అవ్వడానికి నేను చేసే పని ఆవిడ బ్లాగ్లో పాటవింటూ అహ్లాదకర పోస్ట్లు చదువుకుని మనసారా నవ్వుకోవడం. అది దూరమైపోతుంది అన్నీ ఇంత గంభీరంగా వ్రాస్తే.....ఎంతైనా అల్లరి అర్పిత చిలిపి, తుంటరి కవితలు మంచి ఆరోగ్య ఆనంద గుళికలు-కాదంటారా!
శ్రీపాదగారు అసలు మీరు కమెంట్ రాస్తే రిప్లై ఇవ్వడానికే భయపడిపోతుంటే నేను, మీరు ఇలా భాధ్యతంటూ ఇంకా భయపెడితే ఎలాగండి. ఏదో వెరైటీ కోసమై ఇలా, ఇదే లెవెల్ అంటే నావల్ల కాదండోయ్ :-) ఏం రాసినా చూసి భరించేద్దురూ....తప్పదు మీకు
Deleteహరినాధ్ గారు....కమిట్ అయ్యారు, నా అల్లరిని భరిస్తానని:-) బలైపోయారుగా
Deleteగాట్లుచేసే గీతలకేం ఎరుక గాయాల సలపరాలు!!
ReplyDeleteపట్టింపు పగలతో శరీరంపై గాటుగీతలేసి శిక్షలని
రక్తం స్రవిస్తుంటే రంగొకటే అయినా మనం వేరని
ఆవేశంతో ఆలోచించకనే తృటిలో పరిష్కరించేవు
ఎన్నటికీ ఊపిరాగిపోని గీతలేవీ నీవు గీయలేవు
మీ అక్షర పద్మ వ్యూహంలో అభిమానులను అభిమన్యులుగా చేసి బంధించేస్తే ఇంకేం వ్యాఖ్యానించగలం. సలామ్ కొట్టడమే.. గీతల చక్రవ్యూహం చాలా బాగుంది. అభినందనలతో..
ఎన్నో అద్భుతమైన కవితలు అందించిన మీలాంటి కవులే ఏం వ్యాఖ్యానించగలం అంటే మాబోటివారి సంగతి ఏంటీ కుమారవర్మగారు :-)
Deleteభావాలని వెదజల్లే నన్ను బంధించాను అని అనడం ఎంతవరకూ భావమండి....కవివర్మగారిని కవితల్తో బంధిచడం అంత సులభంకాదని తెలిసి పరాచికాలా :-)
Deleteభలే అడిగేసారు హరినాధ్ గారు....:-)
Deleteమొదటిసారి చదువుతూ గీతలగీసి చిత్రం ఎలా వేయాలో రాసావేమో అనుకున్నాను. చదువుతున్న కొద్దీ భృకుటి ముడిపడి జీవన విధానంలోని విలక్షణ గీతల విశిష్టత గురించి ప్రతిష్ఠాత్మక పదబంధంతో బంధించి కాసేపు మనసు మూగపోయేలా చేసి, పిమ్మట పదపద్మ కవితా కొలనులో సేదతీర్చావు...అభినందాశ్శీస్సులు అర్పితా-హరినాధ్
ReplyDeleteమీ ఆశ్శీస్సులు సదా కాంక్షిస్తూ మీకు వందనములు. ఏదో గీతలో రాతలొ, ఏదైతేనేమి సేదతీరచ్చానన్న భావం ఆనందాన్ని ఇచ్చిందండి.
Deleteఈ కవితని అర్థం చేసుకోవడం నావల్ల కాక మళ్ళీ మీకే మెసేజ్ చేసి తెలుసుకోవలసి రావడం భాధాకరం. తప్పింది కాదు. నేను కమెంట్ పెట్టడానికి అర్హుడిని కానేమో అనిపిస్తుంది దీని భావం అర్థం అయ్యాక. అత్యంత అద్భుతమైన భాషాపరిజ్ణానం మీ సొంతం.
ReplyDeleteయు ఆర్ మోస్ట్ వెల్ కం! ఎప్పుడూ అలా అనుకోవద్దండి. మీరు అడిగితే ఆనందిస్తాను. అర్హుడినికాను అనే అటువుంటి మాటలు అభిమానానికి అడ్డుకావండి. జ్ఞాం పెంచుకోవడంలో మనమంతా ఎప్పటికీ విధ్యార్ధులమే కదా!
Deleteమనిషికి మనిషికి మధ్య ఉన్న సన్నని గీత.. అనుబంధం. ఆ బంధాన్ని అరచేతి గీతలతోనో, తలరాతలతోనో నిర్మించుకోడం సాధ్యం కాదని... ఎంత చక్కగా చెప్పారు. గీతలు కావు, చేతలు ముఖ్యమన్న సందేశంగా దీన్ని అర్ధం చేసుకుందామంటే మరో కోణం మనసుని తడుతోంది. అందమైన స్కాచ్‌ సీసా లాంటి చిత్రాన్ని చూపించారు. దూరం నుంచి మత్తెక్కించారు. తీరా దగ్గరికి వెళ్లి రుచి చూద్దామంటే...అసలు చిత్రం పెద్ద కథే చెప్పింది. బతుకు అతుకులనకు ఫిలాసఫీ మంత్రమేసి మత్తు చల్లారు. అందం మత్తుని ఆస్వాదించాలనుకునే లేపే.. ఆ అదృష్టం ఒక భ్రమే.. తలరాతల్లోనూ అదే భ్రమ.. ఆ భ్రమలోంచి బయటపడండని... ఎంతో చక్కగా వివరించారు. ఇది కవిత కాదు... జీవిత సారమే. గీతల్లో ఏం లేదు, తలరాతల్లోనూ ఏమీ లేదు.. మనసు నడిచే గతిలోనే అంతా ఉంది. ఇదే కదా... క్లుప్తంగా మీ భావానికి అర్థం... పద్మగారు.
ReplyDeleteసతీష్గారికి చాలా చాలా త్యాంక్స్..పద్మార్పితగారి కవిత నాలుగుసార్లు చదివి మొదట తలుచుకున్నది మిమ్మల్నే,:-) పెయింటింగ్ కవితని వివరించేలా మీరు వ్రాస్తే చదివి మెదడుకి పనిచెప్పే అవసరంలేదుకదా అనుకున్నా..ఇప్పటికైనా మీ విశ్లేషణ చదివాకే ఇంత మర్మగర్భంగా వ్రాస్తారా ఆమె! మాలాంటి మందబుద్దులకి మీరు అండగా ఉండాలిమరి. చక్కటి వివరణ పెయింటింగ్ పై కవితపైకూడా..
Deleteగీతాజ్ఞానమే కాదు చిత్రంలోని విన్యాసాలని వివిధ కోణాల్లో వివరించారు. బాగుందండి. నిజం చెప్పాలంటే ఈ బొమ్మలో ఇంత అంతరార్థం ఉందని మీరు రాతలు చదివాక తరచిచూస్తేనే తెలిసింది.
Deleteనేను రాసిన గీతల గురించి నాకు తెలియని కొత్తవిషయాలని మీకున్న పరిజ్ఞానంతో అందంగా చెప్పి అలరించారు అనడంలో ఎటువంటి అతిశయోక్తి లేదండి. ఇంక చిత్రం గురించి ఏం చెప్తారో అని ఆశక్తిగా ఎదురు చూస్తున్న నాకు ఆనందంతో వాహ్ వ్హా అనుకుని, ఆపై నాలాగే ఆలోచించే (బొమ్మల్లోని భావాన్ని వెతికే) వ్యక్తి ఉన్నందుకు సంబర పడుతున్నాను. ధన్యవాదాలు సతీష్ గారు
Deleteఆకాంక్ష్.....ఇది అన్యాయం నేను రాస్తే నన్ను అడకుండా విశ్లేషణకై ఇలా ఎదురుచూడ్డం. ఐ హర్టెడ్ అంతే :-) ఇకపై నేనుఏం రాసినా సతీష్ గారి నుండే క్లారిటీ అడగండి (Just kidding)
Deleteతెలుగమ్మాయి కూడా షార్ట్ కట్ లో తెలుసుకునే ప్రయత్నం మొదలెట్టారన్నమాట :-)
Delete
ReplyDeleteబంధాల మధ్య గీతలకి లేవు సంబంధ విలువలు .... అనుబంధం తెగితే ముళ్ళు లేకుండా అతకవు
అనురాగాల తులాభారమేసి ఆపలేము .... పైకంతో మమతల కోవెలకి మూల్యం చెల్లించలేము
అంతరంగపు అడ్డుగోడలే అన్నీ
అందుకే .... అందరిలో ఒంటరి నీవు
చాలా బాగుంది భావన .... కవిత
అభినందనలు పద్మార్పిత గారు!
మీ అభినందనలు నాకు స్ఫూర్తిదాయకం.
Deleteగీతలే బాగుంటే జీవిత రాతలే మారేవంటే....తిట్టిన తిట్టు తిట్టకుండా తిడతారేమో, ఇంత చెప్పినా అర్థంకాలేదాని. ఏమైనా జీవితానుభవసారాన్ని మీ అంత బాగా తెలుసుకోలేకపోయాం. మొత్తం కవితంతా ఒకే బాణీలో అధ్భుతంగా మలిచారు. ఇంతకన్నా రాయడానికి ఏం తోచడంలేదు. అభినందనలు.
ReplyDeleteమహీగారు మరీ ఇలా ఢీలా పడిపోయే మాటలు చదవడానికీ వినడానికే కాని అనుభూతికి ఆనందాన్ని ఇవ్వలేవు. అందుకే గీతలూ రాతలూ జాన్ తా నహీ అని సాగిపోదాం పదండి :-)
Deleteఅమ్మా పద్మా ఇలా భారమైన గీతలతో అక్షరాలు అల్లి మమ్మల్ని కైవసం చేసుకున్నది చాలక భాధతో మైండ్ బ్లాక్ అయ్యేలా చేస్తే ఎవరికి చెప్పుకోం. ఇది చాలదంటూ మళ్ళీ అందరూ బ్రహ్మాండంగా కమెంటుతుంటే మనకి అదికూడా చేతకాదనే బాధ మరోవైపు. :-) ఈసారి సమ్మర్లో ఒక సరసమైన కవితతో నవ్వించెయ్.
ReplyDeleteసృజనగారూ ఏదో నన్ను ఆడిపోసుకోవడం కాకపోతే మీరు తలుచుకుంటే ఒక్క స్మృతిసవ్వడి చాలు సరసానికైనా సరదాగా నవ్వుకోడానికైనా.....కాదంటారా! :-)
Deleteఅమ్మో ఇలాంటి గీతలకి-రాతలకి కమెంట్స్ పెట్టాలంటే గట్స్ కన్నా జ్ఞానం ఎంతో అవసరం.
ReplyDeleteఅది అంతో కొంత ఆపాదించుకుందామని మీ బ్లాగ్లోకి అడుగిడితే ఇంత భారాన్ని మోపి మనసంతా వేదనతో నింపేస్తారా :-) తగునా
తెలుగమ్మాయి తెలివితేటలకేం తక్కువని ఇలా అనుకోవడం .
Deleteఅందరిలా పొగడ్డానికి నాకర్హత లేదండోయ్...
ReplyDeleteమీ కవిత చదివి జాతకం చించేసాను. ఇప్పుడేమో జాతకం ఉంటేగానీ పెళ్ళి కుదరడంలేదు... ఏం చేయను.. లవ్వడి లేచిపోవడం తప్ప..
ఏమాటకామాట చెప్పుకోవాలి గానీ... కుమ్మేశారు పోండి..
పొగడ్డం ఎందుకు వినోద్, అయినా అర్హతలేదు అంటూ అలా తప్పించుకోకపోతే ఒక పొడవాటి కవితేదో రాసేస్తే మీ సొమ్మేం పోతుంది విష్వక్సేనగారు ఎంతైనా మీ అభిమాని నేను.:-)
Deleteబాగుంది అని రొటీన్ గా అనలేను
ReplyDeleteపెద్ద పదాలని కూర్చి వ్రాయలేను
వ్రాయకుంటే మనసేమో ఊరుకోదు
వ్రాయాలంటే కలం ముందుకు సాగదు
మీ స్టైల్ లో కమెంటాను బాగుందా :-)
నువ్వు రాయడం బాగోపోవడమా అనికేత్....నెవర్
Deleteevery line is simply superb mam. you are rocking star of telugu poetry.
ReplyDeleteThank you very much Roopa.
DeleteMadam whr r you!? Vacheyandi Vacheyandi
ReplyDeleteIam here with you my dear :-)
Deleteఈసారి చాలా టైపింగ్ మిస్టేక్స్ జరిగాయి, ఎందుకో "కీ" బోర్డ్ నాపై అలిగినట్లుంది నేను "ఏ" అంటే అది "ఏహే" అని వెక్కిరించింది. దాని అలుక ( పద్మార్పితకి "కీ" బోర్డ్ కంప్యూటర్నీ వాడుకోవడమే కానీ ఒక కవితో కధానికో రాయలేదని, వాటిపై ప్రేమ లేదని ప్రేమించరాదని ఇలా మొండికేసిందని తరువాత తెలిసింది) తీర్చేలోపు ఆలస్యం అవుతుందని సమాధానాలు తప్పు ఒప్పులతో టైప్ చేసాను. అసౌకర్యాన్ని సహృదయంతో సర్దుకుపోతారుకదా! _/\_
ReplyDeleteOh! this is your style of saying apology...its different :)
Deleteమీ కవితల్లో నంబర్ 1 ఇది.
ReplyDeletethank you Mayagaru.
Deleteఇది కవిత కాదు... జీవిత సారమే. !
ReplyDeleteబాగా చెప్పేరు.
ముందస్తుగా నా బ్లాగ్ కి విచ్చేసిన మీకు వందనాలు. మీ వ్యాఖ్యలు నాకు స్పూర్తిదాయకం. ధన్యవాదాలండి.
ReplyDelete