కాలుజారింది

ఏం చెప్పను ఎలాగ చెప్పను....
ఎక్కడని చెప్పను ఏమని చెప్పను!?

లోననరాల్లో జివ్వో జివ్వుమంటుంటే
ఒళ్ళంతా ఒకటే సలపరం పెడుతుంటే
తాకగానే మంటపుట్టి బాధపెడుతుంటే
ఎలాగో చెప్తాను ఎందుకంటే ఏంచెప్పను!
ఎప్పుడు తగ్గుతుందంటే ఏమని చెప్పను?
కాలుజారిపడితే తలబొప్పికట్టిందని చెప్పనా
మోకాలు బెణికి నడవలేకున్నానని చెప్పనా
వేళ్ళు కొట్టుకుపోయి వయ్యారాలు పోతుంటే
ఎర్రగాకందిన చర్మం నిగారింపుతో మెరుస్తుంటే
వాపుతో పసిడిమేనిఛాయ మరింత నిగారిస్తుంటే
గాయాలకి మందేసి నన్నునే ఏం ఓదార్చుకోను!

నొప్పినైతే భరించగలను త్వరగా తగ్గిపొమ్మనలేను.
తగిలించుకోవడం నారాత, తగ్గడం మాత్రం విధిరాత