ఓ కోరిక!

చంచలనయని అతి చిన్నికోరిక..
బాసచేయకనే బదులు ఇవ్వమని
నన్ను విడిచి నీవు వెళ్ళిపోరాదని!

చాన్నాళ్ళుగా నాదో బుల్లి కోరిక..
ఒట్టేసి చెప్పేయరాదా తీర్చేస్తానని
నేనుగాక ఎవరు నీకు గుర్తుండరాదని!

చిన్నిదాని న్యాయమైన తీరే కోరిక..
మాటవరుసకి మనసారా అలాగేనని
నిన్ను నమ్మిన నా సకలం నీతోనేనని!

చీటికిమాటకీ అడగలేని చివరి కోరిక..
తొణికిసలాడకనే తీర్పు చెప్పేయమని
కోరికలన్నీ సమంజసమైనవే తీరుస్తానని!

చులకనగా చూడకు ఇదే తుది కోరిక..
తుదిశ్వాశకైనా విడదీయలేని బంధమని
నావాడిగా నాలోనే ఐక్యం అయిపోవాలని!

26 comments:

  1. అట్లగట్లనే గింత చిన్ని కోర్కెలు కోరితే ఎట్లా :))

    ReplyDelete
  2. అందాలన్నీ ఒలకబోస్తూ చిన్ని కోరికలే కాదు పెద్ద పెద్ద కోరికలు కోరికలు కోరినా కాదన గలిగే మగవాళ్ళే లేరు . ఆ అందానికి ముగ్ధులై , మూగవాళ్ళైపోతున్నారు .

    ReplyDelete
  3. మాడం ఎప్పుడూ తీపి తిన్నా మొహం మొత్తుతుంది
    ప్రేమ కవితలు కొన్నాళ్ళు ఆపేయండి
    మీ నుండి ఇంకేదో ఆశిస్తున్నారు జనాలు :-)

    ReplyDelete
    Replies
    1. పద్మార్పిత అంటేనే ప్రేమార్పిత అని ఎందరో అన్నారు. సార్థక నామధేయురాలు అనిపించుకోవాలి మరి. మీరు ప్రేమలేని కవిత వ్రాయమంటే ఫలితం లేని పూజలా ఉంటుందేమో ఆలోచించాలి-హరినాథ్

      Delete
  4. చిన్న కోరికలని ఇంత పెద్ద పెద్ద తీరని కోరికరా కోరేది. బొమ్మ సూపర్ ఉంది

    ReplyDelete
  5. నావాడిగా నాలోనే ఐక్యం అయిపోవాలని, చిక్కనైన చక్కని భావాన్ని కోరి మరీ అందించావు పద్మా-హరినాధ్

    ReplyDelete
  6. ముద్దు ముద్దు పదాలతో ముచ్చటైన కవిత

    ReplyDelete
  7. కల్మషం లేని కోర్కెలే అయిన చాలా మంచివే కోరారు.. ప్రేమలో ఈ మాత్రం స్వార్థం ఉండాలన్నమాట పద్మర్పిత గారు...
    అందమైన కోర్కెల కవిత సూపర్ మేడం!!

    ReplyDelete
  8. ఇవి పద్మార్పిత భావాలా లేక కోరికలా...ఏమోలే, మొత్తానికి ముద్దుగుమ్మ చిత్రంతో మురిపించావు :)

    ReplyDelete
  9. ఒట్టేసి చెప్పేయరాదా తీర్చేస్తానని
    నేనుగాక ఎవరు నీకు గుర్తుండరాదని!
    అయ్యబాబోయ్ ఆడవాళ్ళు ఇంత స్వార్థపరులా :)

    ReplyDelete
  10. ఇవి చిన్ని, బుల్లి, న్యాయమైన, తీరేకోరికలా.

    ReplyDelete
  11. తుదిశ్వాశకైనా విడదీయలేని బంధమని
    నావాడిగా నాలోనే ఐక్యం అయిపోవాలని super like bumper painting.

    ReplyDelete
  12. కోరికల తూటాలా ఈసారి

    ReplyDelete
  13. బాగున్నాయి మీ న్యాయసమ్మతమైన కోరికలు :-)

    ReplyDelete
  14. భావాత్మకంగా మీ కోరికల్ని చెప్పిన విధానం బాగుందండి పద్మగారు.

    ReplyDelete
  15. mari konni korikalu koravalasindi. chinnavi aipoenavi madam :)

    ReplyDelete
  16. పద్మ గారు
    కోరికల భావాలే తెలియపరిచారు . మూడాడుగులే కదా అని చిన్నవాడు కోరగా వామానుడు త్రివిక్రాముడాయేను అలానే మీ కవితలోని కోరిక ఏమో కానీ పెను గాలి ఉప్పెన మాదిరి గా ఉండండి ఇది మీ నుండి మరోమచ్చు తునక. --- శ్రీ

    ReplyDelete
    Replies
    1. వచ్చే వచ్చే SSS(Satish, Sridhar, Sattaiah) లో ఒక(Sridhar Bukya) వసంతం మరల వచ్చే. ఏమైపోయినారు మహాశయా :-)

      Delete
    2. త్వరలోనే ఉగాది కదా ఆకాంక్ష గారు, పైగా చైత్ర మాసం లో నా పుట్టిన రోజు కూడానూ మరందుకే వసంతాలా కోయిలలా వచ్చాను :P :-)


      ఆకాంక్ష గారు నేను బాగున్నను ఆండీ
      మీ చిట్టి కవితలు 'సరదా' గా, పద్మ గారి కవితలు చూస్తూ ఉంటాను అప్పుడప్పుడు కానీ కామెంట్ పెట్టలేదు.

      Delete
  17. బాగున్నాయి మీ కోరిక, ఎప్పుడు తీరునో ఏమో:)

    ReplyDelete
  18. తీరక మిగిలేవే కోరికలు అయిపోతాయి పద్మార్పితగారు.

    ReplyDelete
  19. నావల్ల కాదు తల్లీ ఈ కోర్కెలు తీర్చడం అంటే
    మిమ్మల్ని అడగలేదుగా ఆకాంక్ష అంటారని తెలుసులే :-)

    ReplyDelete
  20. భలే స్పాట్ పెట్టారు... :-)

    ReplyDelete
  21. నాలుగొందల పోస్ట్లు ఒకదాన్ని మించి ఒకటి రాసిన పద్మగారి అకుంఠిత దీక్షకు అభివందనాలు.
    401వ పోస్ట్ అదరగొడతారని ఆశగా ఎదురు చూస్తున్నాము అర్పితగారు.

    ReplyDelete
  22. మేధో మధనమా లేక మనోవ్యధనా పద్మార్పితా. ఆలస్యమెందుకు వ్రాసి అలరించేయి మరో మదినిదోచే కవితతో, ఆశీస్సులతో-హరినాధ్

    ReplyDelete
  23. నా ప్రతి కోరిక వెనుకా ఒక భావం, దానికి మీ అభిమానం తోడుగా ఉండబట్టే నేను రాయగలుగుతున్నది.
    స్పందనలతో నన్ను నా భావాలని జీవింపజేస్తున్న అక్షరాభిమానులకు...శతకోటి నమస్కారాలు.
    (బ్లాగ్ లో 400 పోస్ట్లని రాసి మీ అభిమానాన్ని పొందాలని నేను చేసిన ప్రయత్నంలో మీరు ఇబ్బందిపడి నన్ను సంబరపెట్టిన మీ అందరికీ అంజలి ఘటిస్తూ పద్మ అర్పిస్తున్న చిరు చందన కుసుమాలే ఈ వందనాలు_/\_ _/\__/\_ )

    ReplyDelete