రా...

బూటకపు ఎత్తుగడల పొగమంచు శిఖరాన్ని తాకి రా

మది వైశాల్యాన్ని కొలవాలంటే తలదించి కొలుచుకో రా

తప్పొప్పుల ఆటుపోట్లలో ఒప్పుల్ని మచ్చిక చేసుకుని రా

వెన్నెలే కాదు సూర్యకాంతికి మాడి మసి పూసుకుని రా

వీధినేం వెలగబెడతావు ఇంట్లో దీపం ఉందో లేదో చూసి రా

ఆనంద అలలతీరం తాకాలి అంటే కష్టాల కడలిని దాటి రా

పసిడిరధం పేదవాని గుడిసెచేరదు నడిచి లోపలికివెళ్ళి రా

నిచ్చెనెక్కే ప్రయత్నమేం చేయకనే నింగిని నింధించకు రా

ఎదుటివాడ్ని ఎత్తిచూపాలంటే నిన్నునీవు తెలుసుకుని రా

అన్నీ తెలిసి కూడా ఏమీ చేయలేని వాడు చేతకాని వాడే రా!