నాకు నీవు

గుండె గదిలో ఏదో ఒక మూల
ఎప్పుడూ తచ్చాడుతూనే ఉంటావు..
రేయింబవళ్ళు అలసటలేక అంతటా నీవై
ఆరని జ్యోతివలె వెలుగుతుంటావు....


ఆ వెలుగులో ఆనందం కానరాక ఆర్పనూలేక
నీ ఆలోచనలు వద్దన్నా గిలిగింతలు పెడితే 
నన్ను నీలో బంధించిన నిన్ను నింధించక 
నన్ను నేను తిట్టుకుని మనసు తలుపు తీసి 
నిన్ను పారద్రోలాలని ప్రయత్నించినా ఫలించక
ఏకాంత రాయబారమే జరిపి పంపించనూలేక.. 
సతమతమై ఎదురుగా లేని నీతో ఎన్నో ముచ్చటించి 
నా మనసుకు నేనే అలుసైపోతూ నీకు దగ్గరౌతాను! 

25 comments:

  1. చిత్రం మెప్పించి కవితతో మురిపించారు.

    ReplyDelete
  2. చివరి వాక్యాలు మనసును తగిలినవి

    ReplyDelete
  3. మనసులో పానుపు వేసుకున్న వ్యక్తులను అసలు మరచిపోవాలి అనుకోవడం సాహసం దూరం చేసుకోవాలి అనుకుంటే దగ్గరవడం వారి లక్షణం.

    ReplyDelete
  4. రేయింబవళ్ళు అలసటలేక అంతటా నీవై
    ఆరని జ్యోతివలె వెలుగుతుంటావు....
    ఆ వెలుగులో ఆనందం కానరాక ఆర్పనూలేక
    నీ ఆలోచనలు వద్దన్నా గిలిగింతలు పెడితే...ఏమిటి పద్మగారు రాగం ధ్వేషం కలగూరగంపలా కలిసి ఇలాంటి ఇక్కట్లు తీసుకు వచ్చినాయి. కష్టకాలమే 😃

    ReplyDelete
  5. Face nachaka track change chesi try cheyandi padma prayatnam success autundi. Picture innocence undi.

    ReplyDelete
  6. అంత సులభతరమా మరపు?
    అయినా తలచుకోనేల మరచిపోనేల? మీ భాషలోనే :)

    ReplyDelete
  7. లవ్లీ కవిత పద్మా.

    ReplyDelete


  8. అంత సులభతరమా మరు
    పంత సులభమా జిలేబి పరువపు వేళన్,
    పంతము వలదే ప్రియునిన్,
    కొంతయు జూడన్ లలామ గోముగ నిలుపూ :)

    జిలేబి

    ReplyDelete
  9. సతమతమై ఎదురుగా లేని నీతో ఎన్నో ముచ్చటించి
    నా మనసుకు నేనే అలుసైపోతూ నీకు దగ్గరౌతాను!సున్నితంగా చెప్పారు

    ReplyDelete
  10. రేయింబవళ్ళు అలసటలేక అంతటా నీవై
    ఆరని జ్యోతివలె వెలగడం అంటే వృధా పరుస్తున్నట్లు పరిగణించి నష్టపరిహారం కోరడం సమంజసం పద్మార్పిత.

    ReplyDelete
  11. మరచిపోవడం ఒక వరం. అది అందరికీ దక్కదు :)

    ReplyDelete
  12. అసలు ఎవరినైనా మరచిపోవాలి అనుకోవడం పాపం మేడమ్.

    ReplyDelete
  13. "నా మనసుకు నేనే అలుసైపోతూ నీకు దగ్గరౌతాను!"..
    హ్మ్. పద్మార్పిత గారు ఎంత కష్టమొచ్చిందండీ...ఐనా "మీభావాలకు తెలిసిన భాష ఒక్కటే కదండీ... "వేదనలోను వేడుకలోను నవ్వడం" ఈ సారికి అలా కానిచ్చేయండీ :)

    ReplyDelete
  14. దూరం ఔతున్నాము అనుకుంటూనే దగ్గరతనం అంతే ఇదేనేమో:-)

    ReplyDelete
  15. గుండెని గదిగా చేసి మూల కూర్చోబెట్టిన తరువాత తెరతీసి తొలిగిపోమని అంటే ఎక్కడికి పోతాడు చిన్నవాడు ఏమైపోవును అంతడి హృదము ఆలోచించి నిర్ణయము తీసుకోవాలి. హా హా హా

    ReplyDelete
  16. ప్రణయం సుధామథురం, అందులో ఇవి సర్వసాధారణం చిట్టమ్మో

    ReplyDelete
  17. నీకు నేను అన్నవేళ మరచిపోయే ఆలోచన అనవసరం. చిత్రం బాగుంది.

    ReplyDelete
  18. ఈ మధ్య కవిత్వంలో పదును కాస్త తగ్గినట్లుంది పద్మ. నీ నుండి అధ్భుతమైన కవిత కోసం ఎదురుచూస్తున్నాను.

    ReplyDelete
  19. Good one
    where is today's post?

    ReplyDelete
  20. మనసును తడిమేసే కవిత...

    ReplyDelete
  21. కుశలమా పద్మార్పిత. ఈ మధ్య కవితలు కొరవడినాయి. కారణం అడగాలని కాదు. ఆయురారోగ్యాలతో క్షేమంగా ఉండు తల్లీ-హరినాధ్

    ReplyDelete
  22. అందరి ఆత్మీయ స్పందనలకు ధన్యవాదాలు _/\_

    ReplyDelete