జ్ఞాపకాలబొంత..

మనసు ఇప్పటికీ ఆ జ్ఞాపకాల బొంతనే కప్పుకుంటానంది

 చాలాకాలంగా దాని క్రిందే ఎన్నో ఊహల్తో కాపురం చేసింది

ఇతర ఏ ఉతికిన కొత్తబొంతలోనూ ఆ అనుభూతి రాకుంది

చెప్పాలంటే ఆ జ్ఞాపకాల బొంతలో నాదన్న ధీమా ఉండేది 

దాన్ని కుట్టడంలో చూపిన శ్రద్ధ ఓపిక ఇప్పుడు కొరవడింది

అపోహలను ఎన్నింటినో పొరల మధ్యనదాచి కలిపికుట్టిందది

వేలిముద్రలు కళ్ళ ముందు చేసిన నాట్యమే కదలాడుతుంది 

దారపుపోగుల చిక్కుముళ్ళు విప్పడం ఇప్పుడింకా గుర్తుంది

అల్లరితో అలిగి లాక్కుని చుట్టుకుదొర్లిన స్పర్శ వీడనంటుంది 

అందుకేనేమో పాతబడి ఎన్ని తూట్లుపడినా వదల్లేకపోయింది

కానీ ఇప్పుడు ఆ ఇరుశ్వాసల పరిమళం మాయమైపోయింది

ఎందుకంటే నేను ఒంటరిగానే బొంతను చుట్టుకుని దొర్లుతుంది

   కోటు వేసుకోవడం అలవరచుకున్నాడన్న రహస్యం దాగుంది!