ఒకానొక రాత్రి...

ఎక్కడైనా మనిద్దరం ఏకాంతంగా కలుద్దాం
మెల్లగా వొకరి కన్నీటిని... 
యింకొకరి మనసులోకి వొంపుకొని
ఎడబాటు మలినాలు కొన్ని పోగొట్టుకుని
గాఢమైన కౌగిళ్ళతో కుశలప్రశ్నలు సంధించుకుందాం!!!

మనసులో నలుగుతున్న కొన్ని ఉధ్వేగాలను
సున్నితంగా పెకళించి వలపుతంత్రులు మీటి.. 
మౌనరాగాన్ని నిశ్శబ్ధంగా ఆస్వాదిద్దాం
లెక్కలేనన్ని జీవిత చిక్కుముడులని
ఓపిగ్గా విప్పుకుంటూ కొత్తసమాధానాలను అన్వేషిద్దాం!!

గతకాలపు గురుతుల మన పుస్తకంలో
ఇంకొన్ని పుటల్ని ప్రేమతో అతికించి...
బ్రతుకు గ్రంధాన్ని అందంగా రాసుకుందాం
ఆశల నక్షత్రాలతో అందంగా అమరిన ఒకానొక రాత్రిని 
మన చిరునవ్వుల వెన్నెల్లతో సుందరంగా ముస్తాబుచేద్దాం!

27 comments:

  1. ఊహలతో ముడిపడిన ఉద్వేగాలు
    కోరికలతో పెనవేసుకున్న వేదనలు
    ఎప్పుడూ మనసు మనుగడను శాసిస్తూనే వుంటాయి.

    ReplyDelete
  2. mansu poralo dachina bhavam.
    so nice expression

    ReplyDelete

  3. నిన్నటి కలలకు ఆశలు జోడిస్తే
    మౌనం మనసుకు అర్థమౌతుంది
    పశ్చాత్తాపాలు పెనవేసుకుంటే
    నిట్టూర్పులు వర్షిస్తాయి..
    ఆవిరైన ఆనందాలు
    నవ్వులతో నాట్యం చేస్తాయి
    ఒకరికొకరి కౌగిలిలో
    వ్యథలు మటుమాయం అవుతాయి..

    ReplyDelete
  4. ఆ రాత్రి చీకటి కాగితంపై మౌనాక్షరాలు ఎన్నో ప్రశ్నలకు జవాలు ఇస్తాయి...అందమైన అక్షరమాల.

    ReplyDelete
  5. ఏమి బుచికీలు రాస్తారమ్మా

    ReplyDelete
  6. ప్రేమజీవుల హ్రదయస్పందన అమోఘం.

    ReplyDelete
  7. Painting chala bagundi madam. Kavitalo bhavam pongenu.

    ReplyDelete
  8. కన్నీళ్ళతో ఎడబాటు మలినాలు కరిగిపోయేనా..
    ఏవీ నిరుడుకురిసిన హిమ సమూహములు అని వెతుకుతూ,
    ఎడారి బాటన పొడారిన గొంతుతో...తడి ఆరిన గుండెతో వెతుకుతున్నా..ఆ మధుర వెన్నెల రాత్రి మళ్ళీ వచ్చేనా..

    ReplyDelete
  9. గ్యాప్ ఇచ్చి మనసుని మెలిపెట్టే అక్షరామాలను రాశారు. అభినందనలు

    ReplyDelete
  10. ఇరువురి మనసులు ఒకటాయే మరి హద్దులు లేనే లేవాయె!

    ReplyDelete
  11. బ్రతుకు గ్రంధాన్ని అందంగా రాసుకుందాం..అత్యాశ ఏమో
    ఊహా విహారము అతి మధురంగా చిత్రించారు పద్మార్పితా..

    ReplyDelete
  12. బహుకాల దర్శనం అదీ విరహ వేదనతో
    ఏల ఇటుల మీరు...................................????

    ReplyDelete
  13. శ్రేయస్కరమైన భావాలను అత్యద్భుతముగా తీర్చిదిద్దటం మీకు ఫౌంటెయిన్ పెన్ తో పెట్టిన విద్య..

    అన్యమనస్కంగా రేగే ఆలోచనలు మనసు తలుపు తడుతు
    చంచలమైన భావాలను అక్షరాల కొలనులో ముంచి తీస్తు
    ఆబాలగోపాలాన్ని ఆకట్టుకుని అలరించే పద్మ గారికి సాహో

    ~శ్రీత

    ReplyDelete
  14. ఎలా ఉన్నారు?
    మీ కవితల ఒరవడి సాగుతుంది దేదీప్యంగా.

    ReplyDelete
  15. మండుటెండలో వర్షం కురిసినట్లు మీ కవితాచిత్రం.

    ReplyDelete
  16. గడచిన కాలపు గురుతులతో తడిసి సేదతీరునులెండి ఇరువురి మనసులు. భావగర్భితమైన కవితకు చక్కని చిత్రాన్ని జతచేసారు.

    ReplyDelete
  17. పరామర్శలతో ఒకరికొకరు ఊపిరి పోసుకుని ఊహలకు రెక్కలు తొడిగి స్వేచ్ఛగా విహరించండి. సీతాకోకచిలుకల్లా జీవితానికి రంగులద్ది ముద్దుమురిపాలతో బాధనంతటిని తొలిగించుకుని కౌగిలింతలతో పరవశించాలి ప్రేమికులు. మరో గుర్తుండిపోయే కవితను అందించారు. అభినందనలు.

    ReplyDelete
  18. meeru edirasina adbhutam
    prema kavitalu inka adbhutam

    ReplyDelete
  19. మనసులో నలుగుతున్న కొన్ని ఉధ్వేగాలను
    సున్నితంగా పెకళించి వలపుతంత్రులు మీటి..extraodinary

    ReplyDelete
  20. నా భావాక్షరాలని ఆదరిస్తున్న అభిమానమిత్రులు అందరికీ అభివందనములు.

    ReplyDelete
  21. అనూహ్యమైన భావవ్యక్తీకరణ.

    ReplyDelete
  22. గతకాలపు గురుతుల పుస్తకంలో ఇంకొన్ని ప్రేమ పుటల్ని అతికించడం అతిరమ్యం.

    ReplyDelete
  23. తూటాలతో కాదు అక్షరాలతో తూట్లు పొడిచారు

    ReplyDelete
  24. వాహ్ రే పద్మార్పితా!

    ReplyDelete
  25. మనసు పొరలు తొలగించి మాట్లాడుకుందాం రా..

    ReplyDelete