భగవంతుడా! అందమైన రూపాన్ని ప్రసాదించవేల?
నిర్మలత్వాన్ని మించిన నిగారింపు నీకేల!!!
ఆనంద ఢోలికలలో ఊగించవేల?
తృప్తిని మించి ఆనందము ఉన్నదందువా బాల!!!
అష్ట ఐశ్వర్యాలను ఒసగరాదటేల?
ఆశాసౌధాలకి అంతమే లేదేల!!!
ప్రేమానురాగాలను అందించరావేల?
ఒకరికొకరు ఇచ్చి పుచ్చుకోమని వేరే చెప్పాల!!!
ఇందరిలో నాకే ఇన్ని కష్టాలేల?
మెరిసేదంతా పుత్తడి కాదు తెలుసుకోవేల!!!
మనశ్శాంతిని కలుగచేయ రావేల?
రాగద్వేషాలలో నీవు బంధీవైనావేల!!!
ఎదుటి వారికొరకై నే ప్రార్ధన చేయనేల?
చేయూతనీయని చేతలులేని ప్రార్ధన చేయు పెదవులేల!!!
