పరుగుల జీవనం!

ఈ ఉరుకుల పరుగుల జీవనంలో పరుగిడి చేసేదేముంది
చంద్రున్ని చేతపట్టి రేయిని ఆపి ప్రయోజనమేముంది

సూర్యోదయం ఎప్పుడౌతుందో తెలియదు
సూర్యాస్తమయం అస్సలు గుర్తుకే రాదు

సెల్ ఫోన్, టెలిఫోన్ పలకరింపులే అందరు
ప్రేమాభిమానాలతో పలకరించే వారెందరు

ఇంటర్నెట్ ద్వారా ప్రపంచంలో అందరితో ఉంది టచ్
పక్కింట్లో ఏమి జరుగుతున్నా పట్టించుకోము మనం మచ్

ఏయే ఛానల్ లో ఏ కార్యక్రమాలో తెలుసు అందరికి
తల్లిదండ్రులని పరామర్శించే సమయం లేదు ఎవ్వరికి

మనశ్శాంతితో మనిషి జీవించ లేకపోతున్నాడు ఎందుకని
108 ఛానల్స్ లో ఒక్కటి కూడా ఆకట్టుకోలేక పోతుందెందుకని

ఇటువంటి ఉరుకుల పరుగుల జీవనంలో పరుగిడి చేసేదేముంది
ఇలాగే జీవించాలి అనుకున్నప్పుడు మరణించి లాభమేముంది!!!!