వ్రాయాలని..

వ్రాయాలనుకున్నా అందరిని మెప్పించి
నన్ను నేనుగా ఎవరో ఏమిటో వివరించి
హృదయపుద్వారాలని తెరచి విడమరచి
గుండె లోతుల్ని, ప్రతి మూలని పరికించి
పలకని పదాలని వెతికి వాటికి జీవంపోసి
పాతగాయాల జ్ఞాపకాలకి కొత్తలేపనంపూసి
అంతర్గత లావాలవంటి భావాలని వెలికితీసి
ఒక సందేశాత్మక పోస్ట్ వీరలెవెల్ లో రాసి...
నాకు నేనే మురిసిపోవాలనుకున్నా చూసి...
అంతలో ఆగమని వెలుగురేకొకటి ఉదయించి
ఓనమాలు దిద్దు అర్పితా అంటూ ఉపదేశించి
అలవికాని వాటికై ఆలోచనలేలని మందలించి
పద్మవై  ప్రకృతిలో పరవశించి అన్నీ ఆస్వాధించి
ప్రేమామృతజ్వాలై ఎగసి మంచుమాయలో తడిసి
పెరిగిన పదాలపట్టుకొమ్మల్లోని పదపుష్పాలని కోసి
సహజ సరళ వాఖ్యాలకి కొత్త ఆలోచనలని జతచేసి
ఎడారి జీవికి దప్పిక తీర్చి హాయిగా ఆనందింపజేసి
ఆగ్రహాన్నైనా అనునయంతో అనురాగంగా మార్చేసి...
                                                                  వ్రాయమన, అణిచేసుకున్నా నా ఆవేశాలకి కళ్ళెంవేసి!

46 comments:

  1. ఆహా. నా గురించి ఇంత మంచి కవిత వ్రాసినందుకు చాలా థాంక్స్ అండి ;) నాకసలే పొగడ్తలు గిట్టవు. ఏదో మీ అభిమానం.

    ReplyDelete
    Replies
    1. ఏమీ రాయలేదనే కదా నా పై ఈ అభియోగం:-)
      అయినా మెచ్చేసుకున్నారంటే అదేనేమో స్నేహబంధం!

      Delete
  2. పద్మ గారూ!మంచుమాయలో తడిసి
    పెరిగిన పదాలపట్టుకొమ్మల్లోని పదపుష్పాలని కోసి
    సహజ సరళ వాఖ్యాలకి కొత్త ఆలోచనలని జతచేసి...మంచి పదాల మేలు కలయిక...మీ భావ సుమం...@శ్రీ

    ReplyDelete
    Replies
    1. నా పదాల ప్రయోగం మీరు మెచ్చడం ఆనందదాయకం.

      Delete
  3. చాలా బాగుందండి.మీ కవితలానే మీ చిత్రం కూడాను

    ReplyDelete
    Replies
    1. :-) థ్యాంక్సండి...బహుకాలానికి

      Delete
  4. chala bagundi... paintings kuda meeru vesinavena...just in love with both the writings and paintings...

    ReplyDelete
    Replies
    1. welcome to my blog & thanks for your compliments.

      Delete
  5. మీరిలా వ్రాయాలని రాసి అదరగొట్టేస్తుంటే....మేమేం రాసి మెప్పించగలం మీ ఫ్యాన్స్ ని

    ReplyDelete
    Replies
    1. మీకు నేను నేర్పాలా:-) తెలుగుదనాల తెలుగమ్మాయిగారు.

      Delete
  6. మెప్పించే పదాలన్నీ మీ గూటి పక్షులు, మీరు కవిత రాస్తే అవి వాలిపోతాయి.

    ReplyDelete
    Replies
    1. మీకు నేను నేర్పాలా:-) తెలుగుదనాల తెలుగమ్మాయిగారు.

      Delete
  7. నిన్ను నిన్నుగా చూడక , నీ కవితావేశానికి కళ్ళెం వేయమని చెప్పే '' వెలుగు రేఖ '' ఎక్కడిది ?

    ReplyDelete
    Replies
    1. నన్ను నన్నుగా అభిమానించరేమో అనే అనుమానపు రేఖే అలా వెలుగై హెచ్చరించింది:-)

      Delete
  8. ఆహా పదాలతో ఏం ఆడుకుంటున్నారండి.. చాలా చాలా బాగుందండి. కవితలో మీ పేరు జతచేయడం ఇంకా ఇంకా బాగుంది..మీ కవితల్లో మిమ్మల్ని ఊహించుకుంటున్నమండి మేము...

    ReplyDelete
    Replies
    1. ఊహల్లో అందంగా ఊహించుకోండి:-)thank you.

      Delete
  9. క్షమించాలి నాకు మీ కవిత అర్థం కాలేదు.

    ReplyDelete
    Replies
    1. కవిత ఏమీ వ్రాయలేదు కదా...అందుకే అర్థం కాలేదేమో:-(

      Delete
  10. ఎలాగెలాగా??
    'వ్రాయాలని' ఇక్కడికి రమ్మని,
    వ్రాయలేనని చెప్పి,
    పదాల ఇంద్రజాలన్ని మాపై ప్రయోగిస్తారా??
    మేము ఒప్ప్పుకోం..
    జాటర్ ఢమాల్ అంతే

    ReplyDelete
    Replies
    1. పద్మగారూ,వ్రాయాలని చాలా బాగుందండి ,పాత జ్నాపకాలను సమాది చేసెసారు మంచిదే కానీ నాదో
      చిన్న విన్నపం ,ఏమీ అనుకోనంతేనే సుమా ,ఆవేశాన్ని మరీ అంతగా అణిచి బేయకండి ,అప్పుడప్పుడు
      ఆవేశం కూడా మీలో సృజ్నాత్మకతని చూపిస్తుంది ,అనీ హొవ్ వెరీ గుడ్ ,

      Delete
    2. నేను ఇంద్ర మహేంద్రజాలాల్ని వేసినంతమాత్రాన్న ఒప్పుకునేంత అమాయకులేంకారులే ధాత్రిగారు:-)

      Delete
    3. rohiniగారు నా బ్లాగ్ కి స్వాగతం. ఏదో అప్పుడప్పుడూ ఆవేశాన్ని అణచుకున్నా అవి వాటి దారిలో పయనిస్తూనే ఉంటాయండి:-) మీ అభిమాన స్పందనకు నెనర్లు.

      Delete
  11. as usual nice pic and very nice poetry padmarpitha mark

    ReplyDelete
  12. చాన్నాళ్ళైంది...మీదైన స్టైల్ కవిత ఇటువంటిది చదివి.పిక్ అదిరింది:-)

    ReplyDelete
    Replies
    1. మీ ఆదరాభిమానాలే నాకు స్ఫూర్తి. ధన్యవాదాలు.

      Delete
  13. పద్మార్పిత గారు.. మీలో కవిత్వం ని నేను చూడలేను. కవిత్వంలోనే నేను మిమ్మల్ని చూడగలను.

    మిమ్ము మిమ్ముగా అభిమానించే రోజు కొరకు వెలుగు రేఖ అయి వేచి ఉంటాను.

    సృష్టిని మార్చలేము.దృష్టిని మార్చుకోగలం కదా! ఈ చెప్పడం .. కూడా అభిమానం తోనే !

    ReplyDelete
    Replies
    1. మీ అభిమానాన్ని సదా కోరుతూ....మిమ్మల్ని మెప్పించే ప్రయత్నం చేస్తానండి. ధన్యవాదములు.

      Delete
  14. ఎడారి జీవికి దప్పిక తీర్చి హాయిగా ఆనందింపజేసి
    ఆగ్రహాన్నైనా అనునయంతో అనురాగంగా మార్చేసి...

    బాగుందండీ...ఈ హామీ చాలదా ఆ ఎడారి జీవికి...:-)
    అభినందనలతో...

    ReplyDelete
    Replies
    1. అంతగా నచ్చకపోయినా ఆగ్రహాన్ని అణుచుకుని అనునయంగా కమెంట్ పెట్టినట్లున్నారు వర్మగారు:-)

      Delete
    2. agraham yemi ledandi.. chaalaa nachche comment raasaa padmaaji..

      Delete
  15. కళ్ళెం వేసి ఆపినా ఆగని కవితా వాహిక, సూపర్...
    పెయింటింగ్ కూడా బ్యూటిఫుల్...

    ReplyDelete
    Replies
    1. మీ అభిమానానికి కృతజ్ఞతలండి.

      Delete
  16. ఏమీ రాయకుండా ఉండడానికి ఇంత ఆలోఅచన అవసరమా?
    పెయింటింగ్ నాకు చాలానచ్చింది. మీ ప్రతిబింబంలా ఉంది:)

    ReplyDelete
    Replies
    1. అవసరమేనండి...లేకపోతే మీ తర్కాన్ని తట్టుకోలేనుకదండి:-)

      Delete
  17. బాగుంది పద్మగారు.

    ReplyDelete
  18. సహజ సరళ వాఖ్యాలకి కొత్త ఆలోచనలని జతచేసి.....రాస్తూ మైమరపిస్తున్నారుగా:-)

    ReplyDelete
    Replies
    1. మైమరపించాలనే తాపత్రయం:-)

      Delete
  19. ఓనమాలు దిద్దు అర్పితా అంటూ ఉపదేశించి
    అలవికాని వాటికై ఆలోచనలేలని మందలించి
    పద్మవై ప్రకృతిలో పరవశించి అన్నీ ఆస్వాధించి
    this is your mark madam....

    ReplyDelete
  20. చాల బాగుంది

    ReplyDelete