ముద్దు మతలబు

ముద్దు ముద్దుకీ ఒక మతలబు ఉంది..

ప్రతి ముద్దుకీ హద్దే కాదు అర్థం ఉంది...

ఎప్పటికీ నువ్వు నా సొంతం అంటుంది

నుదిటిపై నున్నని పెదవి అద్దిన ముద్దు!

శృంగారాన్నే శృతి చేసుకోమని నవ్వింది

చెవిపై చిందులు వేస్తున్న చిలిపి ముద్దు!

నువ్వంటే నాకెంతో ఆరాధన అంటుంది

చేతిపై సాక్షిసంతకం అద్దిన చిరు ముద్దు!

నాకునువ్వు నీకునేను ఒకరికొకరమంది

మెడవంపున మారాంచేసే గారాల ముద్దు!

కష్టమో నష్టమో నువ్వు నాకు కావాలంది

భుజంపై వాలి భేషజాలు వదిలేసిన ముద్దు!

"ఐ లవ్ యు" అని లిపిలేని భాషలో అంది

పెదవులు పెదవులని పెనవేసుకున్న ముద్దు!