ఇది అదేనా!!


ప్రేమ! ప్రేమంటూ దిక్కులు పిక్కటిల్లేలా అరిచి....
ఎదురుగా ఉంటే చెవిలో చిన్న మాటైనా చెప్పవు!

ఊహల విహంగంలో స్వర్గపుటంచులనే చూపించి...
సరసన చేరి సుతారంగా చేయి అయినా నొక్కవు!

అందాలరాశినంటూ అక్షరాల్లో అనేకసార్లు మెచ్చి...
ఒంటరిగా ఉన్నవేళ ఓరకంట చూసి ఒడిచేర్చుకోవు!

ఎదలో ఎగసిపడుతున్న కోరికలన్నింటినీ అణిచి...
నింధించబోయిన నిగ్రహాన్ని నిద్రపుచ్చి నిలబడ్డావు!

ఇది అదేనా! అని అడిగిన నా కంటనీరును గాంచి...
అడిగిన ప్రశ్నకి జవాబుగా అక్కున చేర్చుకున్నావు!

వీడ్కోలుచెప్పి వెళుతూ నీ గుండెల్లో గుడికట్టి కొలిచి...
నన్ను నీ దేవేరిగా కొలువు ఉండి పొమ్మని అంటావు!

49 comments:

  1. Padmaji lovely poem with sweet painting.

    ReplyDelete
  2. మీలా భావుకత్వం ఉన్నవారికి అయితే చెప్పకుండానే మనసు భాష అర్థమైపోతుంది కదండీ:-) గతస్మృతులని గుర్తు చేసారు.

    ReplyDelete
    Replies
    1. అడగంది అమ్మైనా పెట్టదు
      చెప్పంది ప్రేమైనా అర్థంకాదు కదా మహీ :-)

      Delete
  3. ఎంత చక్కటి హృదయావిష్కరణ. ఎదనిండా ప్రేమ నిండినవారే ఇలా రాయగలరు అనడంలో అతిశయోక్తి లేదండి.ఫెంటాబులస్ పోఎట్రి మేడం...

    ReplyDelete
    Replies
    1. థ్యాంక్యూ...ప్రేమ ఉందని ఒప్పుకున్నారుగా :-)

      Delete
  4. చిన్న మాటేం ఖర్మ, నా ప్రేమనంతా మాటల్లోనే చెబుదామనుకున్నాను
    నిన్ను సంతోషపెట్టేలా ఏ మాట ముందు చెప్పాలో తెలీక కొట్టుమిట్టాడాను

    సుతారంగా చేయి నొక్కాలనే అనుకున్నాను
    స్వర్గపుటంచుల్లో ఉన్న నీకు అంతకన్నా మించిన స్వర్గం చూపించలేనేమోనని గమ్మునున్నాను

    ఓరకంట చూడాలనే అనుకున్నాను
    చూపు సెగకు నీ అందం కమిలిపోతుందేమోనని భయపడ్డాను

    మరేం చెయ్యమంటావు
    ఎగసిపడే కోరికలకు నిన్ను ఎరగా వేయాలనిపించలేదు
    ఈ అగ్నిపర్వతాన్ని ఇలాగే రగలనీ

    అక్కున చేర్చుకున్నప్పుడైనా నీకనిపించలేదా
    ఇది అదేనని

    అడగకుండానే వరమిస్తావన్న ఆశతో నిన్ను దేవేరిని చేశాను
    అర్థం చేసుకోక కన్నీరు పెదతావెందుకు

    ReplyDelete
    Replies
    1. భలే సరదాగా సరసాన్ని జోడించి సమాధనం ఇచ్చారు

      Delete
    2. మహా గొప్ప ప్రేమికులండీ మీరు :-)

      Delete
    3. అవి ఆనంద భాష్పాలేమో నిశితగా పరిశీలించండి :-)

      Delete
    4. మీరు ఇంత అనురాగం మేళవించి అనునయిస్తే మీ దేవేరి మీ గుండెల్లో ఏంటి మీరు వద్దన్నా మీ వెంటే పడి పడి వస్తుంది :-) మంచి కవితను జవాబుగా ఇచ్చారు, థ్యాంక్యు.

      Delete
  5. ఏం చెప్పలేదని అభాండం వేసారే కానీ గుండెలోనే గుడి కట్టారు గమనించలేదా! :-)

    ReplyDelete
    Replies
    1. ఇలా ఫోజ్ కొడితే మరికాస్త ప్రేమ దక్కుతుందని :-) అర్థం చేసుకోవాలి మరి :-)

      Delete
  6. బాగుందండీ వ్యాఖ్యలు అంతకంటేను ;)

    ReplyDelete
    Replies
    1. వెల్ కం మేడం. ఇది మీ అందరి అభిమానమండి.

      Delete
  7. అహా ఎంత ఘాటు ప్రేమయో, గుండెనే గుడిగా చేసి కొలువుండమన్నాడు

    ReplyDelete
    Replies
    1. ఘాటైన ప్రేమకు ఆటుపోట్లు కూడా ఉంటాయి మరి :-)

      Delete
  8. నింధించబోయిన నిగ్రహాన్ని నిద్రపుచ్చి నిలబడ్డావు
    ఇలా నిలబడ్డానికి చాలా నిగ్రహం కావాలి. గ్రేట్ కదా :-)

    ReplyDelete
    Replies
    1. నిజమే, ఇది అందరికీ సాధ్యం కాదండి :-)

      Delete
  9. మగువ మనసు మురిసే వేళ
    మగని మమకారం తెలిసే వేళ
    మనసులో దాగిన మాటలు మౌన రాగాన్నే ఆలపిస్తాయి

    తన మనసులో రేగిన ఊహను వ్యక్త పరిచితే ఏమౌతుందోనన్న సంశయం కనుకే ఏ మాట నోట పలకదు. చనువు చొరవ పెరిగే కొలది ఆ మౌనమే పలకరిస్తుంది మదిలొ దాగిన అదే ఉబికి వన్తుంది.

    మగువ మనసు సంద్రమైతే అలలు తన మనసులోని మాటలు
    చల్లని జాబిల్లి వెన్నెల వెలుగే మగని మనసులోని సరాగాలు.

    చక్కగా ఉంది పద్మగారు.
    చిత్రం పాత తెలుగు నవల కవర్ పేజి ని తలపిస్తుంది పద్మగారు ఏ యండమూరి వీరేంద్రనాథ్ గారో లేక యద్దనపూడి సులోచన రాణి గారినో ప్రతిబింబిస్తుంది.

    It is true, when we know, that we are being loved, it is not so easy to convey the same as fast as we can, because one fears loosing the valuable person one got in his/her life.

    Disclaimer: All thoughts in this comment do not point to any person living or dead. If anyone thinks that these are from their lives, they may consider as purely coincidental.

    ReplyDelete
    Replies
    1. ప్రేమ గురించి అందరికీ ఇంత బాగా తెలుసు నాకేం తెలీదు :-(

      Delete
    2. నాకు అసలికి ప్రేమ అంటే ఏంటో కూడా తెలీదు
      "మన" అనుకునే వాళ్ళు బాగుంటే అదే పదివేలు

      మీరు నమ్మండి నమ్మకండి కాని ఇదే నిజం.
      నమ్మకమే వారధి జీవితానా

      Delete
    3. మనసు చదివి మెలిపెట్టి చెప్పగల మీరు మనసు ప్రేమ గురించి తెలియదు అనడం అన్యాయమండి. మేము అమాయకులమే కానీ మరీ ఇంత కాదు శ్రీధర్ గారు :-)

      Delete
  10. ఖచ్చితంగా ప్రేమే...కాకపోతే అబ్బాయే కాస్త అమాయుకుడిలా నటిస్తున్నాడు. మొత్తానికి ఇద్దరికి ఒకరంటే ఒకరికి ఇష్టం ఉంటే మాటలతో పనిలేదు :-)

    ReplyDelete
    Replies
    1. ఏమో నిజమేమో నేను చెప్పిన మాట అదే కదా ఆకాంక్ష గారు. ఏదేమైనా పద్మా గారి కవితలు ఆలోచింపజేస్తాయి.

      Delete
    2. ఆకాంక్ష చెప్పినది శిలాశాసనం :-)

      Delete
    3. శ్రీధర్ గారి ఆలోచనలకి కొదవా చెప్పండి :-)

      Delete
  11. ప్రేమ పోయంస్ మీరు రాసినవి చదువుతుంటే మళ్ళీ మళ్ళీ ప్రేమించాలి అనిపిస్తుంది

    ReplyDelete
    Replies
    1. ఆలస్యం ఎందుకు ప్రేమించండి, ప్రేమిస్తూనే ఉండండి అందరినీ :-)

      Delete
  12. పద్మగారు ఏంటి మాంచి ఫాంలో ఉన్నారు :-) ప్రేమ పాటలు పాడుతున్నారా.:-) సున్నిత పలుకుల్లో మధుర భావం. పాత జ్ఞాపాకాలని తడుముతుంది చిత్రం.

    ReplyDelete
    Replies
    1. అయాం ఆల్వేస్ ఇన్ ద ఫాం :-) తలుచుకోండి మీ జ్ఞాపకాలని

      Delete
  13. ఇది అదేనా! అని అడిగిన నా కంటనీరును గాంచి...
    అడిగిన ప్రశ్నకి జవాబుగా అక్కున చేర్చుకున్నావు! touching lies.. mere ilaa raayagalaru..

    ReplyDelete
    Replies
    1. ప్రేమించే హృదయం మీది అందుకే హత్తుకోగలిగాయి నా అక్షరాలు

      Delete
  14. romantic poem ki sentiment tounch icharu madam. nice

    ReplyDelete
  15. ఇది తప్పక కమ్మని ప్రేమకావ్యమేనండి.

    ReplyDelete
    Replies
    1. అంతేనంటారా !

      Delete
  16. ప్రేమకవితల స్పెషలిస్టు...పద్మర్పితే బెస్టు

    ReplyDelete
    Replies
    1. ఓహో...ఇలా అని ఇచ్చారు మీరు ఇచ్చారుగా కమెంట్లో ఒక ట్విస్ట్:-) thank you.

      Delete
  17. ప్రేమార్పితం.... మీ కవిత :-)

    ReplyDelete
    Replies
    1. ధన్యురాలిని :-)

      Delete
  18. ఎవరు ఎన్ని వ్రాసినా పద్మార్పిత ప్రేమకి అర్పిత మీ స్టైల్లో చెప్పారు. బాగుంది కవిత.

    ReplyDelete
    Replies
    1. నయనిగారు...స్టైల్ అని చెప్పి సైలెంట్ గా సామెతని చెప్పకుండా తప్పించుకున్నారు :-)

      Delete
  19. Replies
    1. అది అంతేనంటారా!

      Delete
  20. అచంగా మాలాగే వీరిరువురు

    ReplyDelete
    Replies
    1. ప్రేమే మీలోకం కదండి:-)

      Delete