అక్షరాలే అలిగి నా గుండె భారమైనట్లు
పరిసరాలు పరవశించి పరిహసించినట్లు
నెమళ్ళు నాట్యమాడి న్యాయం చెప్పినట్లు
వనమే వగలాడిని అని వత్తాసు పలికినట్లు!
తడారని తలపులతో నిన్ను పలకరించబోతే
పదాలే పెదవిదాటక మాటలే దిగమింగినట్లు
అరమోడ్పు కనులు సైతం నీస్పర్శ కోరినట్లు
మత్తెక్కిన మల్లెలే నిన్ను పిలవమనన్నట్లు
జారినపైట జాణతనమేమాయనని అడిగినట్లు!
బిగుసుకున్న బిడియమే విడిచి నిను చేరబోతే
అందియలే అల్లరిచేస్తూ నన్ను వెక్కిరిస్తున్నట్లు
ఎరుపెక్కిన చెక్కిళ్ళను చూసి గోరింట అలిగినట్లు
సిగ్గు దొంతర్లు సైయంటూ మచ్చిక చేసుకున్నట్లు
అడుగు తడబడి ఆడతనమేదో ఆగిపొమ్మన్నట్లు!
నువ్వు నాలోనే ఉన్నావన్న భరోసాతో తోడుకోరితే
గిలిగింతలే పెట్టి గోముగా ముద్దులెన్నో అడిగినట్లు
అందమైన మాయలో హత్తుకుని అత్తర్లు చల్లినట్లు
మైమరపులే పులకరింతై పరవళ్ళతో పెనవేసినట్లు
మనోహరమొంది ముగ్ధమనసు మూగబోయినట్లు!
మనోహరమైన మగువను అద్భుతంగా అభివర్ణించి ఆమె అందాన్ని పెంచారు. ఫోటోకి ఫుల్ మార్కులు. మీ కవితకు మార్కులు వేయలేం * * * * * 5stars
ReplyDeleteశ్రీనాధ్ గారు మార్కులు వేసి పాస్ ఫెయిల్ చెప్పేస్తారా :-)
Deleteగుండెలో బులెట్స్ దిగినా హాయిగా ఉన్నట్లు
ReplyDeleteముగ్ధ అందం మీ అక్షరాల్లో పెరిగినట్లు-సూపర్
తుఫాకీ గుళ్ళకి కూడా తొణకని వణకని ధైర్య వంతులన్నమాట :-)
Deleteవః చెప్పడానికి కామెంటు రాయబోతే
ReplyDeleteఅక్షరాలే అలిగి నా గుండె భారమై పోయిందిస్మీ !!
దీపావళీ శుభకామనలతో
చీర్స్
జిలేబి
మీకు అక్షరాలు కొదవా...నన్ను ఆటపట్టిస్తున్నారు :-)
Deleteఅందమైన అక్షరాలతో ముగ్దమనస్సును కవిత్వీకరించినతీరు కడు ప్రశంసనీయం.
ReplyDeleteకవితలో మీరు పలికించిన భావాలు స్వచ్చంగా అచ్చంగా మగువ మనసును ప్రతిభింబిస్తున్నట్లు...
సూపర్ మేడం....
మరి నేను మనసున్న మగువను కదా! :-) thank you
Deleteఅంతా ప్రేమ మయమే.. జగమంతా ప్రేమైక జీవితాల సారమే..మీ కలం నుంచి జాలువారిన ముగ్ధ మనసు హృదయాలను పరవశింపజేసే మనోహర కవితాత్మక గీతమే ....
ReplyDeleteనిజంగా జగమంతా ప్రేమమయం అయితే ఎంతబాగుంటుందో కదండీ.
Deleteఈ ముగ్ధ మనోహరి మనసు ఎవరి కోసమో! మొత్తానికి మహా అదృష్టజాతకుడు:-)
ReplyDeleteఅయితే ఆ అదృష్టమేదో నాకే అన్నమాట :-)
Deleteఎంతందంగా ఉందో మనోహరి విరహభావంలో కూడా వగలు విరబూయిస్తూ నెమలి ఈకతో సుతారంగా మనసును తాకిన ప్రణయ సమీరంలా....పద్మా మీ భావాలకి దాసోహం.
ReplyDeleteసంధ్యగారు....ప్రణయసుధా మధురం మీ కమెంట్.
Deleteఅరమోడ్పు కనులు సైతం నీస్పర్శ కోరినట్లు
ReplyDeleteమత్తెక్కిన మల్లెలే నిన్ను పిలవమనన్నట్లు
జారినపైట జాణతనమేమాయనని అడిగినట్లు!
ఇలాంటి అంతరమర్మ భావాక్షరాలు మీ కలానికే చెల్లు.
మీ కళాతృష్ణకు కరచాలం చేస్తున్నాను...Salute Padmaji
రసానుభూతితో ఆస్వాధించిన మీకు నమస్కారం.
Deleteఎంతైనా మీ కవితా నాయకి గడుసరిది ధైర్యశాలి కూడానండోయ్. అందంగా అమాయకంగా అన్నీ నిర్భయంగా చెప్పేస్తుంది :-)
ReplyDeleteచెప్పడం చెప్పేసి తరువాత ఎవరైనా తిడితే బాధపడుతుంది కూడా :-)
Deleteజాణతం జారిన పైటలో మాయమైనట్లు
ReplyDeleteభ్రమించిన మా కన్య్లు తెరుచుకున్నట్లు
ముగ్ధ చెప్పకనే చెప్పాల్సినవి చెప్పినట్లు
కవిత చదివి మేము పరవశమొందినట్లు
పద్మగారు శభాష్ అని మెచ్చుకున్నట్లు
బాబోయ్ నేను నాలుగు లైన్స్ మించి రాసేసాను...అంతా ప్రేమార్పిత మాయాజాలం...ha :-) haaaa :-)
నాలుగు పంక్తుల చిటిపొట్టి కవితల అభిలాషిణి ఆకాంక్ష గారు
Deleteనలుదిక్కుల చిమ్మచీకటున్న నడిరేయి జాబిలీ వెలుగులు
నలువైపులా నలుపు ఉన్నా నక్షత్రాలే చూపించారు
ఎన్నో రాద్దామన్న మీ కవితకి మరల నాలుగే అని అనిపించారు
ఇదుగోండి మీ 4 లైన్ ల చిట్టి కవిత ఆకాంక్ష గారు
శ్రీధర్ గారు ఎలా ఉన్నారు?
Deleteనా కవితలు నాలుగు పాదాలు దాటవని మీకు తెలిపోయిందా :-) థ్యాంకులు
బాబోయ్ నేను నాలుగు లైన్స్ మించి రాసేసాను...
Deleteఅని మీరే ఆ పైన రాశారు ఆకాంక్ష గారు
నేను బాగున్నాను. మీరు ఎలా ఉన్నారు ?
నాలుగు పాదాల మీద సాగేది ధర్మం
క్రమేపి మూడు రెండు నుండి ఒకటయ్యింది అదే కలియుగామాయే కలియుగ"మాయే"
మీ చిట్టి కవితలు పేరుకే చిట్టి, పద్మగారి కవితకు పరిపాటి
మీ ఇరువురికి మించి లేరు ఎవరు ఘనాపాటి
రాసేద్దురు మరల కవితలు చేరోటి
ఆవిడతో నేనా...ఎప్పటికి అలా రాయగలనో.? కాని నాకు ప్రేరణ, స్ఫూర్తి ఆవిడేనండి. నా రోల్ మాడల్ ఆమె. ధన్యవాదములు.
Deleteనాలుగు లైన్స్ రాసినా నలుగురికీ ఉపయోగపడేవి రాస్తారుగా :-)
Deleteమీరు మీరే...నేను నేనే వై దిస్ కంపారింగ్ కోలావరీ :-)
మది పులకరింతల పరవసాన్ని ముగ్ధమనోహర రూపంతో వర్ణించిన మీ కలానికి కుంచెకు జోహార్లు పద్మార్పితాజీ.. అభినందనలతో..
ReplyDeleteపులకరించిన మీ మదికి వందనాలు.
Deleteనువ్వు నాలోనే ఉన్నావన్న భరోసాతో తోడుకోరితే
ReplyDeleteగిలిగింతలే పెట్టి గోముగా ముద్దులెన్నో అడిగినట్లు
అందమైన మాయలో హత్తుకుని అత్తర్లు చల్లినట్లు
మైమరపులే పులకరింతై పరవళ్ళతో పెనవేసినట్లు
superb lines madam...picture amazing
నచ్చేసి మెచ్చేసి మదిని ఆనందంతో ముంచేసారు.
Deleteమనసు మనోహరం
ReplyDeleteమీ కవిత సుమధురం
చిత్రం నయనానందం.
మీ వ్యాఖ్యలు మనసుపై జల్లింది పరిమళం
Deleteఎంతకాదనుకున్నా మంచి మనసున్న ముగ్ధ మనోహర మనసు మీది అందుకే స్త్రీ మనోభావాలని ఇంతందంగా వ్రాయగలరు.
ReplyDeleteమీకు కూడా ఆస్వాధించే మనసుంటేనేగా నేను రాయగలిగేది. థ్యాంక్యూ
Deleteపటుత్వమున్న కవిత
ReplyDeleteపట్టుజారనివ్వకుండా ప్రయత్నిస్తానండి :-)
Deleteరసరమ్య కావ్యం వెరసి ముగ్దమనొహరముగ
ReplyDeleteరేయి మాటునా జాబిలీ వెలుగు జిలుగులన్ని ఆమె కన్నుల్లో కొనియాడగా
ప్రకృతి తానై విరబూసే నవ్వే తనకు ఆభరణమై
ప్రకోపిత హాస్యరసము తన మోముపై వాలుతుండగా
మయురమే తన ఎదురునిలిచే మైమరిచి శిలల ఒదిగిపోయే
బహుచక్కని కావ్యరూపం
వెన్నెల్లో దీపం లా మిరుమిట్లు గోలిపింది ఆ చిత్ర విచిత్రం పద్మగారు
ఇలా అంటే...మీ కమెంట్ నుండి కరెంట్ పాసై మనసు విప్పారి ముఖం వెలిపోతుందండి :-)
Deleteవర్ణనాతీతం మీ ముగ్ధమనోహర మనసును పొగడ. చాలా చాలా బాగా వ్రాసారండి పద్మగారు.
ReplyDeleteనన్ను పొగిడేసారుగా పసందుగా...బాగుందండి నచ్చేసారు
Deleteఇంత అందంగా వ్రాసే మనసు మీకే ఉందండి.
ReplyDelete:-) కేవలం వ్రాయడమేనంటారా :-)
Deleteముగ్ధమనసుకి అందమైన వాక్యాలు వ్రాయాలని ఆలోఎచించి భాషరాక మనసు మూగబోయింది. నీ అక్షర అల్లిక అమోఘం. చిత్రాల ఎంపికలో కళపై నీకున్న అంకితభావం కొట్టొచ్చినట్లు కనిపిస్తుంది. ధీర్ఘాయుష్మాంభవ-హరినాధ్
ReplyDeleteమీ ఆదరణాభిమానమే అక్షరభాంఢం...అవిచాలండి. ధన్యవాదములు.
Deleteఇట్ల మీరు జబర్దస్త్ గా ముచ్చట్లు చెప్తే మస్తుగుంటది.
ReplyDeleteమజా చేసుకోవాల మాటలని...పరేషా కావద్దు మల్ల.
Deleteప్రేమించడమే తెలుసునేమో మీ భావాలకి అనేలా ఉండండి ఈ కవిత.
ReplyDeleteప్రేమే కదా మీకు నాకు మనందరికీ ఉండవలసింది
Deleteactually i want to write a comment in telugu for this post. but my telugu words are not enough to describe about this wonderful woman heart feel. beautiful as your heart padmaji. మి మనసు వలె ఉంది.
ReplyDeletePayal iam really feeling happy that you are trying.అలా రాస్తూ ట్రై చెయ్యండి వచ్చేస్తుంది. thank you.
Deleteఅలవికాని అనురాగాన్ని అక్షరాల్లో అందంగా అమర్చి రాసిన కమ్మని దృశ్యం
ReplyDeleteఅభినందించిన మీ మనసు అభిమాన కోశాగారం
Deleteప్రణయరసాభరితం మీ ముగ్ధమనసు
ReplyDeleteఈ కవిత ఒక మాస్టర్ పీస్. మీ కళాతృష్ణ కవితాపఠిమా రంగరించిన ప్రేమ వర్ణకావ్యం. అద్భుతం. keep it up
ReplyDelete