కునుకు



నిదురరాని భావాలని నిదురపొమ్మని
నిశిరాతిరి ఒంటరితనమే జోలపాడుతుంటే
నిట్టూర్పులు జతగా సన్నాయి ఊదుతూ
హృదయ సవ్వడులే మద్దెల వాయిస్తుంటే
జ్ఞాపకాలే నాట్యం చేస్తూ మదిని వెక్కిరించె!

చిరుగాలులే వచ్చి పక్కపరచి పలకరింపని
గోడ గడియారాన్ని ఆగమని సైగ చేస్తుంటే
కదలని క్షణాలన్నీ కక్ష కట్టి మదినిదువ్వుతూ
మెదడునే మభ్యపెట్టబోయి మొద్దుబారుస్తుంటే
నిద్ర నటిస్తున్న ఆలోచనలే లేచి దిక్కులుచూసె!

చెప్పుకున్న ఊసులు చంద్రుడు చాటుగా విని
అదును దొరికెనని కన్నుగీటి మరీ పిలుస్తుంటే
అలిగిన కనురెప్పలు బరువుగా మూతపడుతూ
విరహం తాళలేక విధిననలేక తననే తిట్టుకుంటే
కీచురాళ్ళతోచేరి యుగళగీతమని రాగమాలపించె!

54 comments:

  1. ఇంతకీ కునుకు పట్టిందా మాడంజీ...:)
    పదాలు పదనిసలు ఆడుకున్నాయి

    ReplyDelete
    Replies
    1. పట్టి ఉంటే కవిత కాదు గురక వినిపించేది కదా :-)

      Delete
  2. చిరుగాలులే వచ్చి పక్కపరచి పలకరింపని
    గోడ గడియారాన్ని ఆగమని సైగ చేస్తుంటే
    కదలని క్షణాలన్నీ కక్ష కట్టి మదినిదువ్వుతూ
    మెదడునే మభ్యపెట్టబోయి మొద్దుబారుస్తుంటే
    నిద్ర నటిస్తున్న ఆలోచనలే లేచి దిక్కులుచూసె!...........కునుకు పట్టదు విరహంలో నిద్దురే రాదు ఎదబాటులో ఎంత హృద్యంగా రాసారు పద్మాజీ ...

    ReplyDelete
    Replies
    1. :-) అర్పితగారు అంతేనండి...ఆమె నిద్రపోదు మనకి నిద్రపట్టనీయదు (కవితలతో)

      Delete
    2. ఎండవేడికి అప్పుడు అలా నిదుర రాలేదు...ఇప్పుడు ఋతుపవనాలు వచ్చేసాయిగా కునుకు పడుతుందిలెండి. Ghousuddin ji :-)
      ఆకాంక్ష...మీరు కూడా నిదుపొండి.

      Delete
  3. ఎదబాటు కాదు ఎడబాటు అని చదువుకోగలరని మనవి

    ReplyDelete
  4. didi your kavita remembering me this song..."mujhe neendh na aaye chain na aaye jaawo jarah dhood ke laavo, na jaane kaha mere dil kho gaya" :) so beautiful art.

    ReplyDelete
    Replies
    1. Payal ye pyaar ka rog hi :-)

      Delete
  5. 'నిశిరాతిరి ఒంటరితనమే జోలపాడుతుంటే
    నిట్టూర్పులు జతగా సన్నాయి ఊదుతూ
    హృదయ సవ్వడులే మద్దెల వాయిస్తుంటే'
    జ్ఞాపకాలే నాట్యం చేస్తూ మదిని వెక్కిరించె. మాడం అనదంగా అమరింది పదకూర్పు.
    మీ కవితాప్రవాహంకి అడ్డు అలుపులేదు.
    కొనసాగనివ్వండి. ఈ ఫోటో కొన్నాళ్ళు నన్ను వెంటాడుతుంది.

    ReplyDelete
    Replies
    1. ఫోటో వెంటపడి పోస్ట్లు చదవడం మరచిపోకండి. :-)

      Delete
  6. నిశి రాతరి భావాలని నిదుర పుచ్చె జోలపాటకు
    నిట్టూర్పు సన్నాయి రాగమైంది, హృదయరవళీ
    మద్దేల వాయీద్యం కాగా జ్ఞాపకాలు నృత్యం చేసాయీ......అమోఘం

    గడీయారపు సడినీ ఆజ్ఞాపీంచి ఆపితే కాలం ఆగిపోయిందీ .
    నిద్రనటించే ఆలోచనలను చంద్రుడు కన్ముగీటి పిలుస్తుంటే .......
    వెళ్ళే తెగింపు లేక..... అందీవచ్చిన తోడు వదలలేక .......విరహం
    తో వేగుతూ వేదనననుభవిస్తున్న ఓ సాంప్రదాయం చట్రంలో ఓదిగి
    పోయిన ఓ కన్నె తాపం అది

    పద్మార్పిత గారి భావతరంగాలలోంచి విరిసిన కునుకు కుసుమించిన
    స్వర్ణకుసుమం ......భేషో భేష్

    ReplyDelete
    Replies
    1. శర్మాజీ...కౌంటర్ కవిత బాగుందండి.
      సతీష్ కొత్తూరిగారు ఏమైపోయినట్లో

      Delete
    2. ధన్యోస్మి శర్మగారు.

      Delete
    3. ఆకాంక్షగారు...లేనిపోనివి నేర్పిస్తున్నారా ఏంటి :-)

      Delete
  7. చిరుగాలులే పక్క పరచడం...ఎంతో అందమైన భావం.

    ReplyDelete
    Replies
    1. నచ్చినందుకు...హ్యాపీ

      Delete
  8. ఏకాంతపు యుగళ గీతం...

    ReplyDelete
    Replies
    1. థ్యాంక్యూ సురేష్ గారు

      Delete
  9. భావ యుగళగీతాని చక్కని కవితారూపాన్ని ఇచ్చి చిత్రంతో కనువిందు చేసారు పద్మగారు.

    ReplyDelete
    Replies
    1. ధన్యవాదాలు

      Delete
  10. చెప్పుకున్న ఊసులు చంద్రుడు చాటుగా విని
    అదును దొరికెనని కన్నుగీటి మరీ పిలుస్తుంటే
    అలిగిన కనురెప్పలు బరువుగా మూతపడుతూ
    విరహం తాళలేక విధిననలేక.....వన్స్ మోర్

    ReplyDelete
  11. ఎడబాటు భారమంటూ కునుకురాక నిదురపోక ఆరోగ్యం చెడిపోవును. జాగ్రత్త అర్పితా :-) చిత్రం కవితాభావం మురిపిస్తున్నాయి-హరినాధ్

    ReplyDelete
    Replies
    1. మీ అభిమానానికి నెనర్లండి

      Delete
  12. కునుకుపడితే మనసు కాస్త కుదుట పడతది
    కుదుటపడ్డ మనసు తీపి కలలు కంటది...అని అప్పుడే సినీకవి చెప్పారు. ఏదో విధంగా నిదురపోవడమే తప్పదు :-)

    ReplyDelete
    Replies
    1. అదే ప్రయత్నించాలి :-)

      Delete
  13. మీ ఎడబాటు జడివానలో తడిసి ముద్దయ్యాము మేడం ... సరళమైన పదాలతో ప్రేమభావాన్ని పోందిగ్గా పండించారు! అమోఘం..!

    ReplyDelete
    Replies
    1. ఋతుపవనాలకి ముందే తడిస్తే ఎలాగండి.:-)

      Delete
  14. నీవు రావు నిదుర రాదు అని పాడుకుని నిదురపొండి మాడం :-)

    ReplyDelete
    Replies
    1. పాడుతూ నిదురేమిటో !!!! :-)

      Delete
  15. చూడ చక్కగున్నది చిత్రంలో చిన్నది
    దాని విరహమేదో మమ్ము ఉసిగొల్పుతున్నది
    కునుకు కవిత్వం కత్తిలా కసుక్కుమన్నది
    చదువుతుంటే మా మనసు జిలు జిల్లుమంటున్నది
    పద్మగారు ఇది నేను కాదు మిత్రబృందం అల్లినది

    ReplyDelete
    Replies
    1. మీ మిత్రబృందానికి మీకు నమోఃవందనం._/\_

      Delete
  16. Marvelous Blog. Resembles with Art Gallery

    ReplyDelete
  17. బాగుంది కునుకు పట్టనీయని భావలహరి

    ReplyDelete
    Replies
    1. :-) థ్యాంక్సండి.

      Delete
  18. రేయిని పగలు, పగలుని రేయిగా మార్చే మీ భావనలముందు, కునుకేం పడుతుంది. ఆకలి దప్పికలు ఏం ఉంటాయి చెప్పండి.ఇలా చదివి చదివి అలుపొచ్చి మేము నిద్రపోవాలే తప్ప మీకు కునుకురాదు :-) ఎప్పుడూ బాగుంది, సూపర్ అని అనలేక ఇకపై నిష్టూరాలు వేయాలని కమిటీ తీర్మానించింది. ఇక పై తప్పవు మీకు తిప్పలు. :-) మీరు రిప్లైస్ ఇవ్వరు అన్న ధీమాతో రాసేస్తున్నాను. మున్ముందు ఏం జరగనున్నదో

    ReplyDelete
    Replies
    1. ఆకాంక్షగారు...మరీ కమిటీ నిర్ణయాలదాకా ఎందుకులెండి. నేను నిదురపోక పోయినా మీరైనా నిదురపొండి :-)

      Delete
  19. ఎంద చాట :-) నిద్రరావట్లే బొమ్మచూసి, కవిత చదివి :-)

    ReplyDelete
    Replies
    1. చాట పీట కాదు...శుభ్రంగా నిదురపొండి.

      Delete
  20. నాకు మాత్రం కునుకు బ్రహ్మాండంగా పడుతుంది అందుకే లేట్ కమెంట్. పిస్ సూపరో సూపర్.

    ReplyDelete
    Replies
    1. యు ఆర్ లక్కి :-)

      Delete
  21. పగలు వగలు
    భావానికి సెగలు
    ఆవిరి పొగలు
    కలగలిపి కుండపోతలు
    కంటికి కానరాని వాతలు
    కునుకుకు కుకునుకు కొక్కోరోక్కోలు

    నేను శ్రీధర్ నేనండి. లాస్ట్ సండే చిన్న పొరబాటు వలన ఆ లక్ష్మి వేంకటేశ్వరుని పేరు 90 రోజులకి ఫిక్స్ ఐపోయింది.

    ReplyDelete
    Replies
    1. such a big blog name :)

      Delete
    2. పేరు మారినా మీ అభిమానం మారనందుకు కృతజ్ఞతలు.

      Delete
  22. విరహరసరాగోల్లసాలు :-)

    ReplyDelete
    Replies
    1. గోల అంటే సరిపోయేదేమో :-)

      Delete
  23. అత్యంత సుందరం

    ReplyDelete
    Replies
    1. థ్యాంక్సండి

      Delete