మరలిరావద్దు


మరచిన జ్ఞాపకాల్లారా మరలిరాకండి
ప్రశాంతగా ఉండమని, వెంటపడకండి!
రాలిన తారలనే ఒడిదాల్చి కూర్చున్నా
కలలనే తోడుగా ఉండమని కోరుకున్నా
వ్యధచెంది ఉన్నా వెర్రిదాన్ని చేయకండి!



కన్నీట తడిచిన వస్త్రాలువిప్పి దోచకండి
కోరికల గాట్లుపెట్టి, గాయాలు చేయకండి!
ఆశల గాలమేదో వేసి ఎదురు చూస్తున్నా
ఆసరాగా ఆత్మస్థైర్యానే అప్పడుగుతున్నా
పరామర్శని పలుకరించి పళ్ళికిలించకండి!



నవ్వులపాలు చేసి చోద్యమేదో చూడకండి
కుదిరితే, కొత్తవెలుగు వైపు దారి చూపండి!
పడిలేచే ప్రయత్నాన్ని నే పదేపదే చేస్తున్నా
నమ్మకాన్నే పెట్టుబడి పెట్టి బేరమాడుతున్నా
అందుకే మరచిన జ్ఞాపకాల్లారా మరలిరాకండి!

60 comments:

  1. వేదనాభరిత కావ్యం హృదయాన్ని తడిమింది.

    ReplyDelete
    Replies
    1. థ్యాంక్యు కల్కి

      Delete
  2. మనసుని తడిమిన మీదైన శైలి బాగుంది పద్మగారు

    ReplyDelete
    Replies
    1. మెచ్చిన మీకు థ్యాంక్యు

      Delete
  3. మరలి రావద్దు, మరచిపోవాలి అనుకుంటే మాత్రం సాధ్యమా, వద్దన్నా వచ్చిపోయేవే వేదనలు. మంచికవిత మేడం

    ReplyDelete
    Replies
    1. వద్దు వద్దు అని వందసార్లు అనుకుంటే కొన్నిసార్లైనా తగ్గకపోతాయా జ్ఞాపకాలు అని ఆశ.:-)

      Delete
  4. పడిలేచే ప్రయత్నాన్ని నే పదేపదే చేస్తున్నా..Inspiring words

    ReplyDelete
    Replies
    1. ప్రయత్నం చేస్తూనే ఉండాలి అని పెద్దలు అంటుంటారు కదాండి

      Delete
  5. ధైర్యమై వస్తా... స్తైర్యమై నిలబడండి...

    ReplyDelete
    Replies
    1. అలాగే తప్పకుండా :-)

      Delete
  6. ఆశల గాలమేదో వేసి ఎదురు చూస్తున్నా
    ఆసరాగా ఆత్మస్థైర్యానే అప్పడుగుతున్నా
    fantastic lines once again...

    ReplyDelete
    Replies
    1. మనిషి ఆశాజీవి కదాండీ. తప్పదు.

      Delete
  7. మరచిపోతే కదా మరలిరానీకి

    ReplyDelete
    Replies
    1. టైం అన్నింటినీ మరిపిస్తుంది

      Delete
  8. మధురాతిమదురం మీ కవిత్వం దానికి తగిన చిత్రం.

    ReplyDelete
    Replies
    1. ధన్యవాదాలు మీకు

      Delete
  9. జ్ఞాపకాలనేవి గుర్తు చేసుకోవడానికే తప్ప మరచిపోవడానికో మరలిపొమ్మనడానికో కాదు పద్మా. వేదన అంతా చిత్రంలోను, ప్రతి పదంలోను రంగరించావు.

    ReplyDelete
    Replies
    1. మధురజ్ఞాపకాలైతే మీరన్నట్లు గుర్తుచేసుకోవచ్చు...అవే వ్యధలైతే :-)

      Delete
  10. AK-47 tho shoot cheyali jnapakalani :)

    ReplyDelete
    Replies
    1. supply chesedi evaru AK-47 ni :-)

      Delete
  11. heart touching lines. impressive art.

    ReplyDelete
  12. ఆర్ద్రతని సింపుల్ వాక్యాలతో చక్కగా అందించారు మాడం. పెయింటింగ్ కూడా బాగుంది

    ReplyDelete
    Replies
    1. థ్యాంక్యూ నందూగారు.

      Delete
  13. మరచిన జ్ఞాపకాల్లారా మరలిరాకండి
    కుదిరితే, కొత్తవెలుగు వైపు దారి చూపండి!
    రావద్దు అంటూనే దారి చూపమనడం బాగుంది

    ReplyDelete
    Replies
    1. నయాన్నో భయాన్నో బ్రతిమిలాడాలి కదాండి ;-)

      Delete
  14. మనిషికి మనసుతోపాటు మెదడుని వాటికి సరిపడే జ్ఞాపకాలని కూడా మెండుగానే ఇచ్చాడు. కాలక్రమేణా వాటిని మరచిపోయే శక్తిని కూడా ప్రసాదించాడు. క్రమంగా మరుగున పడిపోయే జ్ఞాపకాలని తలుచుకుంటూ వగచడం కన్నా టైం కి వదిలేస్తే అవే సర్దుకుంటాయి-హరినాధ్

    ReplyDelete
    Replies
    1. మీరు చెప్పింది నిజమే . మరచిపోవడానికి పట్టే సమయమే చాలా భారంగా గడుస్తుంది అని నా అభిప్రాయమండి.

      Delete
  15. మీ కవితల్లో అక్షరాలు ఎన్ని కథలు చెప్తాయో.. అంత కంటే ఎక్కువగా మీ చిత్రాలు చెప్తుంటాయి. మరిచిన జ్ఞాపకాలు ఒక్కోసారి మధువులు చిలికిస్తాయి. మరోసారి గాయాలు చేస్తాయి. ఇక్కడ రెండోది ఎక్కువ. అలాంటి జ్ఞాపకాలను చెదిర్చిన ఆ కుంకుమ బొట్టు.... జ్ఞాపకాలను ఎప్పుడో చెరిపేసింది. కనులు జారిన కన్నీటి చుక్కలు రాలిన తారల్లో ఒడిని తడిపినా... ఆందులో వేడి చల్లారి.. ఎప్పుడో జ్ఞాపకాన్ని చెరిపేసి ఉంటాయి. కన్నీటితో పీడకలను ఎప్పుడో తరిమేసిన ఆ కళ్లు కొత్త లోకాన్ని చూస్తున్నాయిప్పుడు. కన్నీట తడిపిన వస్త్రాలతో కపట ఓదార్పులు, పరామర్శల గాట్లు మనసుని రాటు దేల్చాయి. పడి లేచే ప్రయత్నానికి బహుమతిగానే చుట్టూ పచ్చని పూల పలకరింపులు ఎదను తాకుతున్నాయి. గొప్ప భావానుభవ కవిత. భావోద్వేగాల సంచిక. చిత్రం అద్భుతం.

    ReplyDelete
    Replies
    1. ఇక్కడ చిత్రం చాలా ఊసులే చెప్పింది :)

      Delete
    2. సతీష్ గారు...
      తింటే గారెలే తినాలి,
      వింటే భారతమే వినాలి!
      అనేది పాత నానుడి.
      పద్మార్పితగారి కవిత చదవాలి,
      బొమ్మల భాష్యం మీరే చెప్పాలి!
      ఇదే సరైన బ్లాగ్ జోడి.

      Delete
    3. ఆకాంక్ష చెప్పింది కరెక్ట్.
      చిత్రవర్ణనలో మీరు ధిట్ట.

      Delete
    4. మీ కమెంట్ చదివిన ప్రతీసారి నాకు ఆశ్చర్యంతో పాటు భయం కూడా వేస్తుంది. మీరు CC కెమెరాలు ఏమైనా పెట్టి నా భావాలని(చిత్రం యొక్క) చదివేస్తున్నారా ఏంటని. నిజానికి నాకన్నా చాలా బాగా నా చిత్రాల లోగుట్టుని అంచనావేస్తారు. ఇన్ని తెలిసిన మీరు, నా చిత్రాల్లో మీ కమెంట్ లేని లోటుని చూడకపోవడం వింతగా ఉందండి. Just kidding.Satishgaru thanks a lot for your wonderful description.

      Delete
    5. అనికేత్...సతీష్ గారితో అక్షరాలే కాదు బొమ్మలు కూడా మాట్లాడతాయి అన్నది అతిశయోక్తి కాదు :-)

      Delete
    6. ఆకాంక్షగారు...బుల్లి బుల్లి కవితలతో భలే మురిపిస్తున్నారు. నా రాతలు చదవడం ఏమో కానీ సతీష్ గారి విషయంలో మీరన్నది 100% కరెక్ట్.
      నయనీ యస్ యు ఆర్ రైట్

      Delete
  16. తర్కించనూ లేను మరచిపోనూ లేను.

    ReplyDelete
    Replies
    1. హమ్మయ్యా మిమ్మల్ని మెప్పించాను :-)

      Delete
  17. రావద్దంటే రాకుండా ఉంటాయా? పేరే జ్నాపకాలు కదా? ఈ కవిత మాస్టర్ పీస్ ఈ ఏడాదిలో..అభినందనలతో..

    ReplyDelete
    Replies
    1. అలా అనుకుంటే అయినా కాస్త మనసుకి ఊరట కదండీ :-) మీ అభిమానస్ఫూర్తిదాయక స్పందనకు నెనర్లు.

      Delete
  18. ఇంత సున్నితంగా చెబితే జ్ఞాపకాలకే మనసుంటే తప్పక మరలి వస్తాయి మీరు వద్దన్నా..:)

    ReplyDelete
    Replies
    1. మరలివస్తే మరల మరల వేడుకుంటానుగా :-)

      Delete
  19. కన్నీటితో తడిచిన తనువు అందాలని చూసి దోచుకోవద్దంటూ, కోరికల గాట్లు పెట్టి గాయాలు చేయవద్దంటూ....ఆహా ఎంతో హృదయారవిందంగా చెప్పారు. మీ పదపద్మాలకు నా వ్యాఖ్యాక్షరాలు వంగి చేస్తున్నాయి వందనం.....ఏంటో మీ కవితకు నేను వ్రాసిన కమెంట్ చదువుకుని నేనే మురిసిపోతున్నాను :) తప్పదు మరి ఆ భావం అటువంటిది :-)

    ReplyDelete
    Replies
    1. మీరేంటి!? నేను తెగ మురిసిపోతున్నాను. మీ వ్యాఖ్యలను చూసి చదివి మరీ. థ్యాంక్యూ వెరీమచ్

      Delete
  20. గడచిన కాలం తిరిగిరాదు. అన్నీ మరచి హాయిగా సాగిపో

    ReplyDelete
    Replies
    1. అదే ప్రయత్నం అందరూ చేయాలని :-)

      Delete
  21. నమ్మకాన్నే పెట్టుబడి పెట్టి బేరమాడుతున్నా..ఆ నమ్మకం ఎప్పుడూ వమ్ముకాకూడదు. వేదనని చక్కగా చెప్పారు

    ReplyDelete
    Replies
    1. నమ్మకం ఉంటే చాలా వరకు అసాధ్యం కానివి అంటూ ఉండవని :-)

      Delete
  22. భవ్యమైన భావం పద్మ

    ReplyDelete
    Replies
    1. ధన్యవాదాలండి

      Delete
  23. మీరు గ్రేట్ మిత్రమా

    ReplyDelete
    Replies
    1. ఆశ....వెల్ కం
      profile rabbit so cute. :-)

      Delete
  24. Replies
    1. అలాగే మహీ ;-)

      Delete
  25. ఆత్మస్థైర్యం మీలో మెండు. అప్పడిగితే మాకేం మిగులు. చెప్పవలసింది నికార్సుగా చెప్పే సత్తా మీలో ఉంది. అందుకే మీ కవితలు అంతగా నచ్చేస్తాయి. మరో మంచికవిత పద్మా.

    ReplyDelete
    Replies
    1. అత్మస్థైర్యం అందరికీ అవసరమే. అది అప్పు ఇచ్చే కొద్ది రెట్టింపు అవుతుంది. మీరు హైరానా పడకండి. థ్యాంక్యూ...నయని

      Delete
  26. వ్యధాభరిత క్షణాలు జ్ఞాపకాలై మనసును బాధపెడుతుంటే, అలాంటి జ్ఞాపకాలు మరిలి వచ్చి ఇంకా గాయపరుస్తూ, కోరికలు రేపుతూ, ఆశల గాలాలేస్తూ ఓదార్పు పొందమని సలహా ఇవ్వడం సబబు కాదని ..... ఎంత హృద్యంగా చెప్పారు....!!!
    గాయాలురేగుతాయని తెలియని అజ్ఞాన జ్ఞాపకాలకు ఇంత అందంగా ఆజ్ఞాపిస్తూ మాకు విజ్ఞానం పంచిన మీకు కృతజ్ఞతలు పద్మార్పిత గారూ...

    ReplyDelete
    Replies
    1. ఎవరికి వారే అజ్ఞానులం అనుకుంటే వారి జ్ఞాపకాలు అజ్ఞాతంలో కలిసిపోయే ఛాన్స్ ఏమైనా ఉందేమో ఈసారి ట్రై చేయాల్సిందే. :-)
      మీ ప్రశంసాపూర్వక అభిమాన స్పందనలకు వందనాలు.

      Delete