స్వగతం..

తనని తాను అభివర్ణించుకునే ప్రక్రియలో
తెలియకుండా కప్పెడుతున్న లోపాలెన్నో

ఊపిరి గతులని శిల్పంగా మార్చే పనిలో
ప్రజ్వరిల్లలేక ప్రకంపిస్తున్న వాస్తవికతలెన్నో

పత్రంపై వొలకలేక బెట్టుచేసే తాపత్రయంలో
లోన దాగిన తన్మయత్వపు ప్రకంపనలెన్నో

భావ తృష్ణకి భాష్యం నేర్పే కుతూహలంలో
మౌనంగా కరిగిపోతున్న రహస్యజడులెన్నో

లేని రాచరికం చూపే అడుగుల సవ్వడిలో
పగిలిన పాదాలు చూపలేకున్న మరకలెన్నో

తడారిన తపనను చిగురింపచేసే ఆరాటంలో
స్థానభ్రంశం అయిపోతున్న అంకురార్పణలెన్నో

నిజాలని దాచాలన్న నిరంతర ప్రయత్నంలో
నీడా తోడు రాక మారిన నైసర్గిక రూపాలెన్నో! 

69 comments:

  1. కనిపించే కన్నులలో కనబడని లోతులో దాగే స్వప్నాలెన్నో.. పలికే మాటల మాటునా మౌనముగా మిగిలే పదాలెన్నో.. అలుపెరుగక సాగే జీవిత పయనానా ఒడిదుడుకులెన్నో.. ఇదే జీవితానికి నిర్వచన.. ఎందుకో తెలుసా పద్మ గారు:

    అందరు అన్ని రాస్తారు.. కొందరు కొన్ని రాస్తారు..
    కాని చావు పుట్టుకల నడుమ జీవిత చిత్రం మాత్రమే గమనర్హం..
    జీవితానంతరం ఎలాగు సాధ్యపడని మానవత్వ దృక్కోణాన్ని
    వాటి సాధక బాధకాలను ఏకరూపు పెట్టి..
    వినూత్నంగా ఈ ప్రయాస..


    బ్రతికి ఉన్నపుడు నలుగురు నీ గురించి చెడు చెప్పుకుంటారని దిగులు
    ఆఖరి ఘడియలో గుమ్మిగూడిన జనాన్ని ఒక్కసారి లెక్క పెట్టు
    నిన్న నీతో మౌనముదాల్చినా నేడు కంటిచెమ్మతో పలకరింపులు
    అందుకే చచ్చేదాక అయినా చావు పట్ల ఆలోచన కట్టి పెట్టు

    ఎవరో ఏదో అన్నారని ఆ మాటని మనసు లోతుల్లో ఉంచి
    ప్రతి క్షణం నీలోనే నీవు కుమిలిపోయావు నిన్నటి వరకు
    ఈ విషయం నీకూ తెలుసు మానవ జన్మ రాదు మరలి
    అందుకే చచ్చేదాకా అయినా చావు పట్ల ఆలోచన కట్టి పెట్టు

    మనసును గాయపరిచారని నిందించేవు నిన్న నీవాళ్ళని
    చూడు నీ చుట్టు చేరిన వారిలో పరాయివాళ్ళు ఎవరు లేరు
    మిగిలేవు ఏదో రోజు కాటిలో కట్టెలా కాలి బూడిదయ్యీ
    అందుకే చచ్చేదాకా అయినా చావు పట్ల ఆలోచన కట్టి పెట్టు

    ఆప్యాయంగా రోజు పలకరిస్తుంటే ఉండకు విని విననట్టు
    రేపటిరోజునా ఆ పలకరింపులు శాశ్వతంగా మూగబోవచ్చు
    గుండెలకు హత్తుకుని ఏడ్చినా శ్వాసను విడిచి వెళ్ళే రోజు రావచ్చు
    అందుకే చచ్చేదాకా అయినా చావు పట్ల ఆలోచన కట్టి పెట్టు

    మనసుకి గాయమయితే శాంతియుతంగా పరిష్కరించుకొవచ్చు
    దేహానికి గాయమయితే సపర్యలతో ఉపశమనం పొందవచ్చు
    జన్మించే ప్రతి జీవి జీర్ణవస్థలో మరణ శయ్య కాదు కనికట్టు
    అందుకే చచ్చేదాకా అయినా చావు పట్ల ఆలోచన కట్టి పెట్టు

    నీవు బ్రతికున్నపుడు నిన్ను వెనకకు నెట్టాలని చూస్తారు కొందరు
    నీవు పరమపదించినాక నీ పార్థివ దేహాన్ని అనుసరిస్తారు అందరు
    విడువక ఆశను బ్రతకాలి ఆజన్మాంతం జీవితాన్ని విధి రాసినట్టు
    అందుకే చచ్చేదాకా అయినా చావు పట్ల ఆలోచన కట్టి పెట్టు

    Disclaimer: ఈ కవిత కేవలం కల్పితమే.. దీని ద్వార మానవ జన్మ విశిష్టతను తెలియజేయాలని నా అభిమతం.. మానవ జన్మ ఎలాగు కనుమరుగవక తప్పదు కనుక బ్రతికున్న నాళ్ళు కొందరితో అయినా మంచిగా మెలిగితే అటు పిమ్మట మనం భౌతికంగా లేకున్నా ఏ కొందరి మనసులో జ్ఞాపకాలుగా మిగిలుంటే జన్మ ధన్యమని చెప్పటానికి చేసిన అక్షర ప్రయత్నం.. దీని ద్వార ఎవరిని ప్రలోభ పెట్టే ఉద్దేశ్యం నాకు లేదని మనవి చేసుకుంటున్నాను.

    మరొక్క మారు నూతన ఆంగ్ల సంవత్సరాది శుభాకాంక్షలు మీకు..

    కమెంట్ ఇలా రాశారేమిటని అనుకోవద్దు పద్మ గారు.. ఏదైనా పొరపాటుగా అనిపిస్తే మన్నించండి.. అందరు బాగుండాలని కోరుకుంటు..

    ~శ్రీ~
    గోదారంగనాథ శ్రీనిలయగోవింద

    ReplyDelete
    Replies
    1. మీరు రాసిన వాటి ముందు నేను రాసిన పదాలు ప్రణమిల్లేంత అద్భుతంగా రాసారు. ధన్యోస్మి.

      Delete
    2. Sridhargaru..జీవితం కాచివడపోసి ఈ విధంగా జోడించారు.

      Delete
    3. జీవితాన్ని కాచి వడపోసేంత వయసు కాదు నాది.
      రోజువారి జరిగే సంఘటనల సమాహార సారమే అది.
      నేను జన్మించి మూడు దశాబ్దాల కాలమే అయినది.
      కల్కిగారు పద్మగారు మీ మీ కమెంట్లకు వందనమిది.

      Delete
    4. అధ్భుతంగా వ్రాసావు శ్రీధర్-అభినందన ఆశ్శిస్సులు-హరినాథ్

      Delete
    5. హరినాథ్ సర్.. మీ వ్యాఖ్యకు వినమ్రభివందనములు

      Delete
    6. జన్మించే ప్రతి జీవి జీర్ణవస్థలో మరణ శయ్య కాదు కనికట్టు
      అందుకే చచ్చేదాకా అయినా చావు పట్ల ఆలోచన కట్టి పెట్టు

      Delete
    7. మనిషి పుట్టుక నవ మాసాల పిమ్మట జరుగునని ముందుగానే ఊహించగలము కాని వయసు పైబడి ఏ క్షణానా మరణం వస్తుందో ఊహించలేము. మనకు తెలిసిందల్లా ఒకటి ముదసలి వయసు పైబడ్డాకా ఆయువు జ్యోతి కొండెక్కినాకా కట్టేలో కొరివి పెట్టి భస్మం చేస్తారని. అయితే అదెప్పుడో తెలియదు ఎవరికి.. ఏ క్షణం చివరిదో తెలియనపుడు అలా ఊహించలేని వాస్తవాన్ని ఊహకే వదిలి కడదాకా బ్రతకమని ఆ లైన్ తాత్పర్యం మధు సర్. మీకు ఆ లైన్ నచ్చినందుకు ధన్యవాదాలు.

      జై శ్రీమన్నారాయణ

      Delete
  2. కొత్తసంవత్సరానికి స్వాగతం పలికారో లేదో అప్పుడే స్వగతమా... స్వగతం వెల్లడించితిరి పో.. ఇంత ఇంకంప్లీట్ గా అయితే ఎలా మిమ్మల్ని గురించి తెలుసుకోవాలి...

    ReplyDelete
    Replies
    1. ఆత్రుత కాకపోతే తెలుసుకోవాలనుకుంటే నేను రాసే అక్షారాల్లో తెలుసుకోలేరా అసలే మీరు కవికోవిదులాయే :)

      Delete
  3. స్వగతం అంటే ఆటోగ్రఫీ వ్రాసి ఆశ్చర్యపరచాలి కానీ ఇలా నిరుత్సాహపరిస్తే అస్సలు బాగోలేదు పద్మార్పితా :)

    ReplyDelete
    Replies
    1. ఆటోగ్రఫీ అంటే ఆషామాషీ కాదు కదండీ..అంత ఎత్తుకి నేను ఎదగాలిగా :-)

      Delete
    2. ఆటోబయోగ్రఫి:

      మూడు దశల జీవిత సారం కాయితం పై సిరతో కంటే మదిలో జ్ఞాపకమే గొప్పదని చెప్పే నా ఈ కవితాక్షరి

      ఏదో నాలుగు ముక్కలు జీవితం గురించి వ్రాయాలని తపన..
      చిన్నప్పుడు.. వ్రాతలు రాకా.. మాటలన్ని లోలోపలే దాగి అమ్మ వొడిలో సేదతీరి ఆ వ్రాయటాన్ని బాల్యానికీ అందుకోమని చెప్పాను..!

      అప్పుడప్పుడే పసితనపు ఛాయలను వీడి బాల్యపు దశలో తొలి అడుగులు.. మాటలు వ్రాతలు ఒక్కొక్కటిగా నేర్చుకుంటున్నావు.. ఇప్పుడే జీవితం గూర్చి ఏమి తెలుసుకోగలవంటే.. యవ్వనానికీ అందించి బాల్యాన్ని ఆస్వాదించాను..!!

      యవ్వనం రానే వచ్చింది.. పూలతోటలో వికసించే విరుల పరిమళభరితంగా.. (ఇప్పుడు నాది ఈ దశ)
      వ్రాయాలని ఉన్నా.. ఇప్పుడిప్పుడే ఘడియలని నెమురు వేసుకుంటున్నా.. ఇవన్ని జ్ఞాపికలుగా తీర్చిదిద్ది ఒక్కోక్కటిగా తరువాత వ్రాద్దామని అనుకుని రోజువారి పనిలో నిమగ్నమై ఆ ఆలోచనని పక్కన పెట్టాను..!!!

      జీవితాన్ని మించిన మహాకావ్యం మరొకటిలేదని అగుపించి.. జ్ఞాపకాలన్ని జ్ఞాపికలుగా మరేలోగా మరో ముప్పై-నలభై ఏళ్ళ పైచిలుకు వృద్ధాప్యం వచ్చేస్తుందని.. అటువంటప్పుడు వ్రాసే బదులు వాటన్నిటిని ఏర్చి కూర్చి నలుగురి మదిలో చిరకాలం కాకున్న చిరుకాలమైనా ఓ తీపి జ్ఞాపకమై మిగిలుండాలని ఆశ!

      Today's Little Moments Become Tomorrow's Precious Memories.

      Delete
    3. sridhar bukya garu,
      heart felt wishes for a happy
      and prosperous new year 2017.
      (i couldn't trace your blog id...
      and comments disabled at your g+ ...)
      :)

      Delete
    4. thank you for your wishes respected naga malleswara rao sir, wishing you a new year full with health, happiness, prosperity and benignity. happy happy 2017 sir.

      (sorry for the inconvenience so caused.. I post very less on g+ these days.)

      you may comment on my blog at https://goo.gl/bdQygT

      Delete
  4. ఇన్ని భావాలను అవలీలగా వ్రాసేస్తు తృష్ణ అని వ్రాయడం ఎంత వరకు సబబు అంటారు. చిత్రం కనువిందుగ ఉంది.


    ReplyDelete
    Replies
    1. భావ దాహం అంత త్వరగా తీరదుకండి.

      Delete
  5. మొదటి కవిత మురిపంతో ముద్దు ముద్దుగా వ్రాయవలసింది.

    ReplyDelete
    Replies
    1. ఎప్పుడు మురిపాల మూడ్ వస్తే అప్పుడు రాస్తానుగా.. :-)

      Delete
  6. లేని రాచరికాన్ని చూపించి కాళ్ళ పగుళ్ళు పట్టించుకోరని ఢాబు కోసం పోయి కష్తాలు కొనితెచ్చుకునే వారు చాలామంది లోకంలో, కనువిప్పు కవిత బాగారాసారు.

    ReplyDelete
    Replies
    1. నాకు నేను అనుకుంటూ మీ అందరితో పంచుకున్నానండి.

      Delete
  7. ఈ ఇయర్ అంతా హ్యాపీ హ్యాపీగా రాసేయండి మేడంజీ
    మనకి ఎందుకు ఈ లబో లబో మంటూ ఏడుపులు,
    నోట్లు లేక నవ్వులు లేక ఏమైపోవాలని మనం.:) :0 :)

    ReplyDelete
    Replies
    1. నవ్వుల్ని నోట్లతో కొనలేరుగా... అలాగే :-)

      Delete
  8. ప్రతి రెండు లైన్స్లో ఆలోచనలు రేకెత్తించేదిగా ఉన్నాయి.

    ReplyDelete
    Replies
    1. థ్యాంక్యూ సృజనగారు.

      Delete
  9. మీలాగా యేవొక్కరు
    పాలను నీరమును వేరు పరుపంగ మదిన్
    గీలించి వ్రాయ జాలరు
    మేలిమి సర్రియలిజమిది మీకే సొంతమ్ .

    అసలు రంగు తెలియ నంతగా దాపెట్టి
    నకిలి రంగు పులుము నట్టి వింత
    లోక రీతి మీద రోసిన స్వగతాన్కి
    స్వాగతము పలికెద పద్మగారు !

    ReplyDelete
    Replies
    1. మీ కమెంట్స్ నాకు ఎంతో ప్రోత్సాహాన్ని సంతోషాన్ని ఇస్తాయండి. మీ అభిమాన వ్యాఖ్యలకు ధన్యవాదాలు.

      Delete
  10. ముందుగా పద్మార్పిత గారికి నూతన సంవత్సర శుభాకాంక్షలు...
    మనసులో నిండిన వొక భావాన్ని కవిత్వపరంగా ఏమేరకు స్పృశించాలో..ఎక్కడ యేవాక్యాన్ని కవిత్వీకరించాలో తెలిసిన మేధావి మీరు... ఈ కవిత కూడా అచ్చం అలాంటిదే.... నవ్యమాలిక ఈ కవిత...
    గ్రేట్ మేడం... సలాం...

    ReplyDelete
    Replies
    1. థ్యాంక్సండి...ఇంతకన్నా మీ అభిమానాక్షరాలకు నేను ఏమిచ్చుకోగలను.

      Delete
  11. తడారిన తపనను చిగురింపచేసే ఆరాటంలో
    స్థానభ్రంశం అయిపోతున్న అంకురార్పణలెన్నో
    Excellent meaning padma.
    Each & every line is having its meaningful value. Keep it up.

    ReplyDelete
  12. న్యూ ఇయర్లా జరంత నవ్విస్తే మంచిగుంటదిగందా, నువ్వేందమ్మో గిసోంటి నిజాలు సెప్పి బాధ పెడతవ్.

    ReplyDelete
    Replies
    1. ఎప్పుడూ నవ్వుతూ ఉండండి...నేను నవ్వేస్తాను :-)

      Delete
  13. ఆలోచించి చిత్తశుద్ధితో చేసే కార్యం ఏదైనా సఫలీకృతం అవుతుంది అనుకోడానికి నిదర్శనం నీ అక్షరసుమాలు.
    ఏదో వెలితి అగాధాన్ని సృష్టించి కలవపెడుతూ నీడలా వెంటాడుతూ అలసిన సమయాన సేదతీర్చి మంచుతెమ్మెరలా చల్లని స్పర్శవోలే తాకేను నీ అక్షరాలు.అభినందన ఆశ్శిస్సులు-హరినాథ్

    ReplyDelete
    Replies
    1. ధ్యన్యోస్మి....హరినాధ్ గారు.

      Delete
  14. మనసులోని భావాలను
    అక్షర భవనాలుగా నిర్మించి
    నిర్మొహమాటంగా బయటపెట్టే ధైర్యం
    చేరువా చిత్రాలు మీకు సొంతం
    మీ కవితలు కవనాలు అక్షర ఆయుధాలు.

    ReplyDelete
    Replies
    1. అందంగా ప్రోత్సాహ వ్యాఖ్యలు రాసిన మీకు అభివందనాలు.

      Delete
  15. అంతర్లీనంగా నిగూఢభావాలు దాగిన కవిత అనిపిస్తుంది. చాలా బాగావ్రాశారు.

    ReplyDelete
    Replies
    1. థ్యాంక్యూ లిపి.

      Delete
  16. భావతృష్ణ బాగుంది.

    ReplyDelete
  17. telugu bhashalo tiyadanam me kavitalo undi.

    ReplyDelete
  18. బ్లాగ్లో అడుగుపెడితే పూర్తిగా పద్మార్పితం అనేట్లు అలంకరించుకున్నారు.
    ఈ కవితలోని కొన్ని వాక్యాలు ఒకటికి రెండుసార్లు చదివితే తలకెక్కును.

    ReplyDelete
    Replies
    1. అంత కష్టంగా ఉన్న వాక్యాలు ఈజీగా అర్థం చేసేసుకున్నట్లే అయితే.. :-)

      Delete
  19. అక్షరాల్లోని మర్మం తెలిసింది కానీ ఫోటో పట్టింది ఎందుకో అర్థం అవడంలేదు. ఈ చిత్రం కవితకి ఎంత వరకు సరిపోయినట్లు పద్మా.

    ReplyDelete
    Replies
    1. అన్ని చిత్రాలు సరిపోయేలా జతచేసే ప్రయత్నం చేయగలనే కానీ ఒకోసారి కుదరవు. ఇది ఒక స్త్రీ మనోభావాలని తనలో తాను నెమరువేసుకున్నట్లు ఉంది సరిపోతుంది అనిపించిందండి.

      Delete
  20. తడారిన తపనను చిగురింపచేసే ఆరాటంలో
    స్థానభ్రంశం అయిపోతున్న అంకురార్పణలెన్నో?????

    ReplyDelete
  21. padmarpita madam garu,
    heart felt wishes for a happy
    and prosperous new year 2017.

    ReplyDelete
  22. 2017 started with good post. congrats

    ReplyDelete
  23. Good going padma...కొనసాగించు ఇలాగే.

    ReplyDelete
    Replies
    1. థ్యాంక్యూ మహీ...

      Delete
  24. ఆది నుండి అంతం వరకు ఎక్కడా రాజీ పడకుండా అద్భుతంగా వ్రాసారు.

    ReplyDelete
    Replies
    1. మీ ప్రోత్సాకర వాక్యాలకు ధన్యవాదాలండీ.

      Delete
  25. highly intelectual lines in telugu poetry.

    ReplyDelete
  26. అవును మనసులో భావాలు ఎన్నో
    చెప్పాలని ఉన్నా చెప్పలేనివి వ్రాయలేనివి ఎన్నెన్నో
    మీరు మనసు కవయిత్రి జీవితాన్ని చదివిన స్త్రీ..

    ReplyDelete
    Replies
    1. ధన్యవాదాలండీ మీ స్పూర్తి వాక్యాలకు..

      Delete
  27. పవర్ఫుల్ పదాలతో మొదలైంది మీ ప్రయాణం ఆపక పరుగులు తీస్తుందేమో....ఇంక కవితాప్రియులు అంతా పరవశం. :-)

    ReplyDelete
    Replies
    1. అంతంలేని ఆరంభంతో విసిగిస్తానేమో...తట్టుకోకండి :-)

      Delete
  28. మీ పదాల్లో పట్టు రాను రాను పెరుగుతుందండి.
    సూపర్గా రాశారు.

    ReplyDelete
    Replies
    1. పవర్ తరిగితే...అమ్మో అసలు చూడరుగా :-) థ్యాంక్యూ

      Delete
  29. తోడురాక మారిన నైసర్గరూపాలు
    అధ్భుతమైన నీ పద అల్లికలు
    అందులో దాగిన జీవితసత్యాలు
    మురిపించి మెరిపిస్తున్న కవితలు

    ReplyDelete
    Replies
    1. మీ కవితా కమెంట్లు మనసు దోస్తున్నాయి ;) థ్యాంక్యూ

      Delete


  30. వామ్మో ! బ్యాక్సిక్స్పేకర్స్ !
    జామ్మని యగుపించితీవు జాకెట్లేకన్ !
    యమ్ముల పొదవయ్యారీ
    బొమ్మా నీవెవత వే సపోటా వోలెన్ :)

    జిలేబి

    ReplyDelete
  31. కొత్తసంవత్సరంలో కుమ్మింగ్ :)

    ReplyDelete