జ్ఞానం, ధనం, నమ్మకం వాళ్ళు
ముగ్గురూ భలేమంచి మిత్రులు
ఒకరికై ఒకరు ప్రాణమిచ్చేవాళ్ళు..
కాలం కలిసిరాక విడిపోతూ వారు
ప్రశ్నించుకున్నారు ఒకరితో ఒకరు
కలయికెప్పుడంటూ కార్చి కన్నీరు
విడలేమంటూ పెనవేసుకున్నారు..
జ్ఞానం విద్య, గుళ్ళలో నివాసమంది
మేడలు మిద్దెలు నావని ధనమంది
నమ్మకం కిమ్మనకుండా కూర్చుంది
జవాబుగా కిలకిలా నవ్వి ఇలాగంది..
జ్ఞానం, ధనం కోరితే దొరుకుతారు..
నమ్మకం పోతే మరల తిరిగిరానంది!
నమ్మకాన్ని పెంచే స్నేహం చేసేద్దాం
రోజూ "ఫ్రెండ్ షిప్ డే" చెప్పుకుందాం!!
