విరిబోణి పిలుపు...

పెదవి పలుకలేని పలుకులు
చూపులు చెప్పునేమో చూడాలి
పగలు రాల్చిన సిగ్గుదొంతరలు
రేయంతా పరిమళం చిందించాలి!

మనువుతో కలసిన మనసులు
ప్రేమతో తనువులను ఏకంచేయాలి
తమకంతో మూతపడిన కనురెప్పలు
కౌగిలిలో కలువరేకులై విచ్చుకోవాలి!

దాచిఉంచిన మకరందకుసుమాలు
లాలనగా తన్మయంతో ఆస్వాధించాలి
చీరపై మెరుస్తున్న చెంకీ తళుక్కులు
సిగ్గుపడుతూ చీకటి ఆశ్రయం కోరాలి!

అలవాటులేని పెదవిగాట్ల సరసరాగాలు
తీయని రాగమై అలవోకగా ఆలపించాలి
దాగిన నెలవంకను పిలిచి విసిగిన తారలు
మన్మధునితో కయ్యానికి కాలుదువ్వాలి!